Профессионал билим бериў мәкемелеринде дуал билимлендириў түрин енгизиў имканияты кеңейтиледи ҳәм билимлендириў процесслери басқышпа-басқыш санластырылады.
Дуал билимлендириў түрин енгизген ең жақсы 100 профессионал билим бериў мәкемесине ҳәр жылы 50 миллион сумнан қаржы ажыратылады.
Профессионал билим бериў мәкемеси оқыў-әмелияты процесинде ислеп шығарылған өнимлерди (товар, жумыс, хызметлерди) сатыўы мүмкин.
Профессионал билим бериў мәкемелериниң басшы ҳәм педагог хызметкерлериниң мийнетине ҳақы төлеўдиң жаңа дифференциалластырылған тәртиби енгизиледи.
Нормативлик-ҳуқықый ҳүжжетлер жойбарларды додалаў порталына қойылған Президент қарары жойбарында усындай көплеген жеңилликлер нәзерде тутылған.
Қарақалпақстан хабар агентлиги