Алдын хабар бергенимиздей БАӘ мәмлекетиниң Абу Даби қаласында спорттың Jiu Jitsu түринен даўам етип атырған I Азия чемпионатында 7-май күнги беллесиўлерде спортшылар табыслы қатнасты.
Атап айтқанда, Нөкис қаласы 2-санлы спорт мектебинен И.Жақсылыков алтын, Шымбай районы спорт мектебинен Қ.Бектурсынова алтын, Республикалық Жеке гүрес түрлерине қәнигелестирилген спорт мектебинен И.Жумабаев қола, Шоманай районы спорт мектебинен А.Кенжебаев қола ҳәм П.Реймова гүмис, Бозатаў районы спорт мектебинен З.Усенбаева гүмис ҳәм Г.Бекболсинова қола, Қараөзек районы спорт мектебинен Е.Мақсетбаева қола, Елликқала районы 2- спорт мектебинен М.Умарбаева қола медальларын қолға киргизди.
Жарысқа спортшыларды Б.Нарбаев, Р.Балтабаев, А.Жамешов, Б.Уббиев, Б.Айтжанов, Н.Каиповлар таярлады.
Қарақалпақстан хабар агентлиги