Қарақалпақстан Республикасы Халық билимлендириў министрлиги жанындағы республикалық оқыў-методикалық орайының барлық пән методистлери республикамыздың улыўма орта билим бериў мектеплеринеде мастер -класслар өткермекте.
Бир айдан берли өткерилип атырған бул илаж улыўма орта билим бериў мектеплериндеги дерлик барлық пәнлерден өткерилмекте.
Жақында республикалық оқыў-методикалық орайының биология пәни методисти С.Тажетдинова Нөкис районлық халық билимлендириў бөлимине қараслы 32-санлы улыўма орта билим бериў мектебинде «Улыўма орта билим бериў мектеплеринде биология пәнин оқытыў методлары» атамасында мастер-класс сабағы өткерди.
Оған райондағы барлық улыўма орта билим бериў мектеплериниң биология пәни оқытыўшылары ҳәм методикалық бирлеспе баслықлары қатнасты.
Мастер-класс өткериўдеги мақсет- әпиўайы шынығыўлар ҳәм тапсырмалар арқалы оқыўшылардың дөретиўшилик қәбилетин раўажландырыўдан ибарат.
Интерактив тәризде өткерилген мастер-класс сабағы тыңлаўшылар арасында үлкен тәсир қалдырды.
Т.СЕЙТНАЗАРОВА,
Қарақалпақстан хабар агентлигиниң шолыўшысы