Таңлаўға мәмлекетлик емес коммерциялық емес шөлкемлер, ғалаба хабар қураллары ҳәм пуқаралық жәмийетиниң басқа да институтларының төмендеги мақсетлерди нәзерде тутқан социаллық әҳмийетке ийе жойбар буйыртпалары қабыл етиледи.
– Өзбекстан Республикасы Конституциясының тийкарғы қағыйдалары, принциплери ҳәм мақсетлерин ашып бериўге, нызам нормалары ҳаққында билимлерди үгит-нәсиятлаўға қаратылған арнаўлы басылымлар, мақалаларды таярлаў ҳәм басып шығарыў;
– халық арасында тутыныўшылардың ҳуқықларын қорғаў ҳаққындағы нызам ҳүжжетлериниң мазмун-мәнисин кеңнен үгит-нәсиятлаўға, халықтың ҳуқықый мәдениятын арттырыўға жәрдемлесиў;
– мәмлекетлик ҳәкимият ҳәм басқарыў уйымлары жумысының ашық-айдынлығын тәмийинлеўде МКШлардың белсендилигин арттырыў, жәмийетте ҳуқықый мәдениятты қәлиплестириў, ҳуқықый сананы жетилистириўге қаратылған жойбарларды қоллап-қуўатлаў;
– нызамлардың инсанлар турмысына реал тәсир дәрежеси ҳәм халық пенен қарым-қатнастың жаңа усылларын, нызамлардың социаллық қатнасықларды тиккелей тәртипке салыўдағы ролин ҳәм әҳмийетин арттырыўда социаллық шерикликтиң инновациялық усылларын енгизиў;
– сапалы социаллық хызметлер көрсетиў көлемин кеңейтиўге, халықтың турмыс дәрежесин жақсылаўға, мәҳәллелердиң абаданлығын тәмийинлеўге жәрдемлесиў;
– халықтың руўхый-әдеп-икрамлылық, психологиялық билимлерин арттырыў, шаңарақта социаллық-руўхый орталықты жақсылаў, жәмийетте саламат руўхый орталықты тәмийинлеўди қоллап-қуўатлаў;
– кексе әўлад ўәкиллерине ғамқорлық көрсетиў, ҳәр тәреплеме қоллап-қуўатлаў, жасы үлкен инсанлардың жәмийеттеги орнын ҳәм абырайын арттырыў, жаслар тәрепинен олардың турмыс тәжирийбелерин үйрениў, кекселерди ҳүрмет етиўге, ардақлаў, ғамқорлық көрсетиў сезимин қәлиплестириўге жәрдемлесиў;
– майыплығы болған шахслардың ҳуқықларын, еркинликлерин, нызамлы мәплерин әмелге асырыўда теңдей шараятлар жаратыў, турмыс сапасын жақсылаў, мийнет етиўине бейимлестириўге жәрдем бериў;
– жаслардың ҳуқықларын, еркинликлерин, нызамлы мәплерин қорғаў, оларды миллий ҳәм улыўмаинсаныйлық қәдириятларға ҳүрмет рухында тәрбиялаўға, пидайылық сезимин енгизиўге жәрдемлесиў;
– ҳаял-қызлардың, балалардың ҳуқықлары менен нызамлы мәплерин тәмийинлеў, социаллық-руўхый қоллап-қуўатлаўда мәмлекетлик уйымлар менен социаллық шерикликти күшейтиў;
– жас өспиримлер арасында жынаятшылықтың алдын алыў, олардың бос ўақытларын мазмунлы өткериўге шараятлар жаратыўға жәрдемлесиў;
– адам саўдасы , нызамсыз мийнет миграциясынан жәбир көрген халыққа системалы профилактикалық үгит-нәсиятлаў ҳәм реабилитация илажларын әмелге асырыўда жәмийетлик қадағалаўды тәмийинлеў;
Мәмлекетлик грант таңлаўында қатнасыў ушын төмендеги ҳүжжетлер усынылады:
- Шөлкем басшылары тәрепинен қол қойылған ҳәм мөр менен тастыйықланған жоллама хаты.
- www.fundngo.uz веб-сайтында жайластырылған түрде толтырылған мәмлекетлик грант жойбары ушын арза.
- Мәмлекетлик дизимнен өткерилген Устав (Режеси) ҳәм гүўалықтың мөр менен тастыйықланған нусқасы.
- 4. Егер жойбарды әмелге асырыў лицензияланатуғын жумысты талап етсе, онда лицензияның нусқасы усынылады.
- 5. Мәпдар мәмлекетлик ҳәм ири жәмийетлик шөлкемлер менен дүзилген социаллық шериклик қоспа режелери қосымша етилиўи мүмкин.
Бир жойбар ушын ажыратылатуғын грант муғдары – 30 миллион сумға шекем.
Ҳүжжетлер 2019-жыл 23-августтан 25-сентябрьге шекем қабыл етиледи.
Ҳүжжетлер «Олий Мажлис жанындағы жәмийетлик фонды» атына: 100163, Ташкент қаласы, Ислам Кәримов көшеси, 43-жай мәнзилине «Өзбекстан почтасы» арқалы мөрленген конвертте (А-4 форматта) жиберилиўи шәрт.
Ҳүжжетлердиң үлгилери менен Олий Мажлис жанындағы жәмийетлик фондтың www.fundngo.uz рәсмий веб-сайтында танысыў мүмкин.
Мағлыўмат ушын телефонлар (0-371) 239–26–76, 239–26–86.
ӨзА