Таңлаўға мәмлекетлик емес коммерциялық емес шөлкемлер, ғалаба хабар қураллары ҳәм пуқаралық жәмийетиниң басқа да институтларының төмендеги мақсетлерди нәзерде тутқан социаллық әҳмийетке ийе жойбар буйыртпалары қабыл етиледи:
– ата-бабаларымыз тәрепинен топланған тарийхый, мәдений мийрасларды қәстерлеп сақлаў, оның өсип киятырған әўлад тәрбиясында зәрүрлиги бағдарындағы жәмийетлик басламаларды қоллап-қуўатлаў;
– миллий ҳәм улыўмаинсаныйлық қәдириятларды жаслардың санасына сиңдириўге, этникалық мәдений дәстүрлерди қәстерлеп сақлаўға, халықтың дөретиўшилигин қоллап-қуўатлаўға жәрдемлесиў;
– Өзбекстанда жасап атырған ҳәр қыйлы миллет ҳәм халықлардың әзелий миллий дәстүрлерин, үрп-әдетлерин қәстерлеп сақлаў бағдарында әмелге асырылып атырған илажлар ҳаққында кең жәмийетшиликти хабардар етиў;
– мәдений мийрасты қәстерлеп сақлаў, халық арасында мәдений мийрасқа болған мүнәсибетти және де жетилистириў, оларды келешек әўладқа толық түрде жеткериў ҳәм мәдений мийрасқа болған көзқарасты қәлиплестириў бағдарында үгит-нәсиятлаў жумысларын күшейтиў;
– елимиздиң мәдений-тарийхый мийрасын ғалаба ен жайдырыўға, тарийхый туристлик зыярат етиў орынларын танытыўға, олардың жумысын үгит-нәсиятлаўға қаратылған ҒХҚ жойбарларын қоллап-қуўатлаў;
– миллий мәдений орайлар тәрепинен мәмлекетимиздиң еркин демократиялық раўажланыўын сәўлелендиретуғын ҳәр қыйлы топламларды, дөретиўшилик жумысларды басып шығарыўға, халыққа жеткериўде ҳәр тәреплеме жәрдемлесиў;
– Өзбекстанның тынышлық ҳәм турақлылықты, пуқаралардың татыўлығын тәмийинлеў тараўындағы жетискенликлери, мәмлекеттеги кеңпейиллик принциплери, тарийхый ҳәм мәдений мийрас, халықтың үрп-әдетлери, қәдириятлары ҳаққында мәлимлеме, аналитикалық материаллар менен жаңалықларды миллий ҳәм сырт ел ҒХҚларында кеңнен сәўлелендириў;
– жәмийетте миллетлераралық татыўлықты беккемлеў, Өзбекстанда жасап атырған ҳәр қыйлы миллет ҳәм халықлар ўәкиллериниң өзине тән миллий дәстүрлери, үрп-әдетлери және мәресимлерин қәстерлеп сақлаў ҳәм раўажландырыў бойынша мәмлекетимизде әмелге асырылып атырған илажлар ҳаққында халықаралық жәмийетшиликти хабардар етиў;
– миллетлераралық дослық ҳәм аўызбиршилик, тилеклесликти және де беккемлеў, конфессиялараралық татыўлықты тәмийинлеўде пуқаралық жәмийети институтларының ролин ҳәм әҳмийетин күшейтиў;
– миллий өнерментшилик тараўында устазлық дәстүрлерин және де раўажландырыў, кексе әўладтың билими, тәжирийбеси ҳәм мийнет потенциалынан пайдаланыў, оларды турмысқа енгизиўге жәрдемлесиў;
– туризмниң тарийхый-илимий, экологиялық, белсенди, гастрономиялық ҳәм басқа да түрлерин сырт ел аудиториясы арасында ғалаба ен жайдырыў арқалы Өзбекстанның туристлик ҳәм мәдений-тарийхый тартымлылығын күшейтиў;
– туризмди раўажландырыўда әҳмийетли орын ийелейтуғын мәдений туристлик жөнелислерин шөлкемлестириўге, социаллық инфраструктураны раўажландырыўға, жаңа жумыс орынларын шөлкемлестириўге, инновациялық технологияларды тартыўға жәрдемлесиў.
Мәмлекетлик грант таңлаўында қатнасыў ушын төмендеги ҳүжжетлер усынылады:
- Шөлкем басшылары тәрепинен қол қойылған ҳәм мөр менен тастыйықланған жоллама хаты.
- www.fundngo.uz веб-сайтында жайластырылған түрде толтырылған мәмлекетлик грант жойбары ушын арза.
- Мәмлекетлик дизимнен өткерилген Устав (Режеси) ҳәм гүўалықтың мөр менен тастыйықланған нусқасы.
- 4. Егер жойбарды әмелге асырыў лицензияланатуғын жумысты талап етсе, онда лицензияның нусқасы усынылады.
- 5. Мәпдар мәмлекетлик ҳәм ири жәмийетлик шөлкемлер менен дүзилген социаллық шериклик қоспа режелери қосымша етилиўи мүмкин.
Бир жойбар ушын ажыратылатуғын грант муғдары – 30 миллион сумға шекем.
Ҳүжжетлер 2019-жыл 23-августтан 25-сентябрьге шекем қабыл етиледи.
Ҳүжжетлер «Олий Мажлис жанындағы жәмийетлик фонды» атына: 100163, Ташкент қаласы, Ислам Кәримов көшеси, 43-жай мәнзилине «Өзбекстан почтасы» арқалы мөрленген конвертте (А-4 форматта) жиберилиўи шәрт.
Ҳүжжетлердиң үлгилери менен Олий Мажлис жанындағы жәмийетлик фондтың www.fundngo.uz рәсмий веб-сайтында танысыў мүмкин.
Мағлыўмат ушын телефонлар (0-371) 239-26-76, 239-26-86.
ӨзА