Усы жылдың 3-9 март күнлери Германия пайтахты Берлин қаласында “ITB BERLIN 2024” халықаралық туризм ярмаркасы болып өтпекте.
Бул ярмаркада Германия бирге ислесиў шөлкеминиң (GIZ) жәрдеминде республикамыздың делегациясыда қатнаспақта.
Делегация ағзалары тәрепинен туристлик маршрутлар ҳәм турпакетлер, соның менен бирге, Қарақалпақстанның туристлик потенциалы кеңнен үгит-нәсиятлаў режелестирилген. Усы мақсетте быйылғы жылы биринши мәрте халықаралық туризм ярмаркасы ушын Қарақалпақстанның өзгеше стенди таярланды.
Халықаралық ярмарка дүньяның түрли жерлеринен жыйналған исбилерменлер ушын жаңа шерикшилик, жаңа шәртнамалар, инвестиция ҳәм бирге ислесиўди жолға қойыў имканиятын жаратып береди.
Қарақалпақстан хабар агентлиги