Хожели хызмет көрсетиў ҳәм сервис техникумында Өзбекстан «Адолат» СДП Хожели районлық Кеңеси тәрепинен техникум оқыўшылары ортасында «Бәҳәр мәликасы» таңлаўы шөлкемлестирилди.

Таңлаў қатнасыўшылары сәлемнама, ҳуқықий саўатлылық ҳәм сахналық көринис бағдарлары бойынша өз билимлерин сынақтан өткерди.

Атап өтилгениндей, бүгинги күнде ҳаял-қызларымыз мәмлекетлик ҳәм жәмийетлик басқарыўда, илим, билимлендириў, мәденият, спорт, исбилерменлик, өнерментшилик, мәмлекетлик сиясат, қулласы, барлық тараўларда мүнәсип орын ийелеп, үлкен жетискенликлерге ериспекте.

Таңлаў жуўмағында жеңимпазлар шөлкемлестириўшилер тәрепинен таярланған естелик саўғалары менен сыйлықланды.

Илаж көркем өнер шеберлериниң атқарыўындағы сахналық көринислер ҳәм концерт бағдарламасы менен даўам етти.

Арзыгүл ЕСЕМУРАТОВА,
ҚМУ, Мәлимлеме хызмети ҳәм
жәмийетшилик пенен байланыслар тәлим бағдарының 2-курс студенти.

Қарақалпақстан хабар агентлиги