Елимизде шахматқа қызығыўшылығы бар жасларды анықлаў ҳәм оларды қоллап-қуўатлаў мақсетинде, Жаслар ислери агентлиги Қарақалпақстан Республикасы басқармасы тәрепинен улыўма сыйлық муғдары 5 млн сум болған Жаслар ислери агентлигиниң Рокировка турнири болып өтти. Үш ҳәпте даўам еткен жарыс жуўмағында ерлер арасында 1-орынды Руслан Жумабеков ийелеп, 800 мың сумлық ваучер менен сыйлықланды. Ал, ҳаял-қызлар арасындағы беллесиўлерде болса, Гүлзада Қаржаўбаева 1-орынды ийелеп, 500 мың сумлық ваучерге ийе болды.
Сондай-ақ, ерлер ҳәм ҳаял-қызлар арасындағы беллесиўлерде жәми 8 жеңимпаз анықланып, оларға да ақшалай сыйлықлар жәмленген ваучерлер тапсырылды. Буннан тысқары, 4 номинация бойынша жеңимпазлар анықланып, олардың ҳәр бири 200 мың сум пул сыйлығына ийе болды.
Гулчеҳра Айтмуратова,
Бердақ атындағы ҚМУ дың журналистика тәлим бағдарының 3-курс студенти.
Қарақалпақстан хабар агентлиги