АҚШ Президенти Доналд Трамп ўзининг савдо ишлари бўйича маслаҳатчиси Питер Наварронинг “Fox News” телеканали орқали айтган АҚШ Хитой билан савдо битимига барҳам бергани бўйича фикрларини рад қилди.
Трамп Twitter орқали бунга муносабат билдириб, Хитой билан савдо битими бус-бутун амалда эканини, Хитой ҳукумати ҳам битим шартларига риоя қилишига умид билдиришини маълум қилди.
Эслатиб ўтамиз, Питер Наварро Президент Трамп бу битим тугатилиши бўйича қарор чиқарганини ва у бундан буён амалда эмаслигини таъкидлаганди.
ЎзА