Халқимиз Ватанимиз мустақиллигининг йигирма саккиз йиллигини улкан ютуқлар, кўтаринки кайфият билан кутиб олмоқда. Жорий йилда энг улуғ, энг азиз айёмимиз мамлакатимиз бўйлаб “Жонажон Ўзбекистоним, мангу бўл омон!” деган эзгу ғоя асосида нишонланмоқда.
31 август куни Президентимиз Шавкат Мирзиёев Мустақиллик майдонига ташриф буюриб, ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументига гулчамбар қўйди.
Мустақил бўлган, тинчлик ҳукмрон мамлакатда тараққиёт бўлади. Мустақиллигимизнинг йигирма саккиз йиллиги кенг нишонланаётган шу кунларда бу ҳақиқат яна бир бор ўз ифодасини топмоқда.
Ўзбекистон Республикаси Олий Мажлиси Сенати ва Қонунчилик палатаси, Вазирлар Маҳкамаси, вазирликлар вакиллари ҳам ёдгорлик пойига гуллар қўйди.
Зиёдулла Жонибеков, ЎзА мухбири