Инновациялық раўажланыў басқармасының баслығы тайынланды
Инновациялық раўажланыў министрлиги аймақлық басқармасы баслықлары тайынланбақта.
Бул Өзбекстан Республикасы Президентиниң 2021-жыл 1-апрельдеги «Илимий ҳәм инновациялық жумысты раўажландырыў бойынша мәмлекетлик басқарыў системасын жетилистириў ҳаққында»ғы пәрманында нәзерде тутылғанындай, аймақларда илимий ҳәм инновациялық жумысты раўажландырыў мақсетинде әмелге асырылмақта.
Соның ишинде:
Каюпов Нурсултан Сәкенович – Қарақалпақстан Республикасы инновациялық раўажланыў аймақлық басқармасының баслығы етип тайынланды.
Н.Каюпов 1991-жылы Нөкис қаласында туўылған. 2014-жылы Ташкент мәмлекетлик техника университетиниң бакалавриатын ҳәм 2016-жылы магистратурасын тамамлаған. 2018-жылдан берли Өзбекстан Республикасы Инновациялық раўажланыў министрлиги экономиканың реал секторына инновацияларды енгизиў ҳәм изертлеў басқарамының жетекши қәнигеси лаўазымында жумыс ислеп келген.
Қарақалпақстан хабар агентлиги