«Шаңарақлық балалар үйи» тәрбияланыўшыларына Президент саўғалары тапсырылды
Жаңа жыл байрамы балаларымыздың шырша әтирапында ойнап, ертек қаҳарманларын тамашалап, қосық ҳәм тақмақлар айтатуған сүйикли байрамы. Бул байрамда саўға алыўы олардың кеўлин және де көтерип, қуўанышлы демлерге бөлейди. «Баланың бир қуўанғанына жетпейди», деген балажанлы халқымыз ҳәм ҳүрметли Президентимиз балалар ушын ҳәр жаңа жыл байрамында оларды саўғалар менен сыйлайды.
Қарақалпақстан Республикасы Жоқарғы Кеңесиниң Баслығының орынбасары Рустам Сапарбаев Тақыятас районындағы шаңарақлық балалар үйинде тәрбияланып атырған балаларға Президент саўғаларын тапсырды ҳәм жаңа жыл байрамы менен қутлықлады.
Илажда балалар ҳәр қашан бизиң итибарымызда, Президентимиздиң ғамқорлығында екенлигин атап өтип, байрам қарсаңында оларға жақсы тилеклерин билдирди.
Қарақалпақстан хабар агентлиги