«Shańaraqlıq balalar úyi» tárbiyalanıwshılarına Prezident sawǵaları tapsırıldı

Jańa jıl bayramı balalarımızdıń shırsha átirapında oynap, ertek qaharmanların tamashalap, qosıq hám taqmaqlar aytatuǵan súyikli bayramı. Bul bayramda sawǵa alıwı olardıń kewlin jáne de kóterip, quwanıshlı demlerge bóleydi. «Balanıń bir quwanǵanına jetpeydi», degen balajanlı xalqımız hám húrmetli Prezidentimiz balalar ushın hár jańa jıl bayramında olardı sawǵalar menen sıylaydı.
Qaraqalpaqstan Respublikası Joqarǵı Keńesiniń Baslıǵınıń orınbasarı Rustam Saparbaev Taqıyatas rayonındaǵı shańaraqlıq balalar úyinde tárbiyalanıp atırǵan balalarǵa Prezident sawǵaların tapsırdı hám jańa jıl bayramı menen qutlıqladı.
Ilajda balalar hár qashan biziń itibarımızda, Prezidentimizdiń ǵamqorlıǵında ekenligin atap ótip, bayram qarsańında olarǵa jaqsı tileklerin bildirdi.

Qaraqalpaqstan xabar agentligi