26-февраль күни Өзбекстан Республикасы Президенти Шавкат Мирзиёев Түркия Республикасы Президенти Режеп Таййип Эрдоған менен телефон арқалы сөйлести.
Сөйлесиўдиң басында мәмлекетимиз басшысы Түркия жетекшисин туўылған күни менен шын жүректен қутлықлап, оған беккем денсаўлық, бахыт-ығбал ҳәм үлкен табыслар, Түркияның дос халқына тынышлық-татыўлық ҳәм раўажланыў тиледи.
Сөйлесиў барысында еки тәреплеме күн тәртибиндеги әҳмийетли мәселелер көрип шығылды.
Өзбекстан-Түркия көп қырлы бирге ислесиўи турақлы ҳәм жедел пәтлерде раўажланып атырғаны қанаатланыўшылық пенен атап өтилди.
Ҳәр қыйлы дәрежелерде жедел сөйлесиўлер даўам еттирилмекте, өз-ара саўда көрсеткишлери өспекте. Еки мәмлекеттиң жетекши аймақлары менен кәрханаларының кооперациясы кеңеймекте, биргеликте бир қатар ири инфраструктуралық жойбарлар әмелге асырылмақта. Әҳмийетли мәдений-гуманитарлық бағдарламалар әмелге асырылмақта.
Мәмлекет басшылары Ташкент қаласында өткерилетуғын Стратегиялық бирге ислесиў бойынша жоқары дәрежедеги кеңестиң гезектеги мәжилисине таярлық көриў мәселелерине айрықша итибар қаратты.
Халықаралық сиясат ҳәм регионаллық структуралар көлеминдеги бирге ислесиў бойынша да пикир алысылды.
Телефон арқалы сөйлесиў ҳар қашанғыдай дослық ҳәм исеним руўхында өтти.