2021-жылдыӊ 15-декабринен -2022-жылдыӊ 15-январь күнине шекем мәмлекетимизде “Ўатансүйиушилик” айлығы жәрияланып, бул бойынша республикамызда да кеӊ көлемли илажлар алып барылмақта.
Атап айтқанда Нөкис районлық Халық билимлендириў бөлими, районлық Қорғаныў ислери бөлими ҳәм Жаслар ислери агентлиги районлық бөлиминиӊ шөлкемлестириўи менен “Халық ҳәм армия-бир тән, бир жандур” сүрени астында спорттыӊ волейбол түри бойынша жарыс өткерилди.
Жарысқа Халық билимлендириў бөлимине қараслы мектеплер директорларыныӊ әскерий Ўатансүйиўшилик ислери бойынша орынбасарлары, жаслар ислери бойынша басланғыш шөлкем жетекшилери ҳәм Арқа-батыс әскерий округине қараслы усы районда жайласқан әскерий бөлимлердиӊ әскерлеринен дүзилген командалары қатнасты.
Жарыс жуўмағында мектеп директорларыныӊ әскерий Ўатансүйиўшилик ислери бойынша орынбасарларынан дүзилген «Ўатан қорғаўшылары” ҳәм “Ғәрезсизлик” командалары биринши ҳәм үшинши орынларды ийелеген болса, 2-орынды “Жаслар аўқамы жетекшилери” командасы ийелеўге миясар болды ҳәм олар шөлкемлестириўшилер тәрепинен диплом ҳәм естелик саўғалары менен сыйлықланды.
Адилбай Оразов,
Қарақалпақстан хабар агентлиги шолыўшысы