8-сентябрь күни Өзбекстан Республикасы Президенти Шавкат Мирзиёевтиң Тәжикстан Республикасы Президенти Эмомали Раҳмон менен телефон арқалы сөйлесиўи болып өтти.
Мәмлекетимиз басшысы дос Тәжикстан Президенти ҳәм халқын ғәрезсизликке ерисилгениниң 30 жыллығы менен қызғын қутлықлап, тынышлық-татыўлық, абаданлық, үлкен табыслар ҳәм раўажланыў тилеклерин билдирди.
Өзбекстан ҳәм Тәжикстан арасындағы көп қырлы бирге ислесиўди, бәринен бурын саўда-экономикалық тараўдағы шерикликти және де кеңейтиўдиң әҳмийетли мәселелери додаланды.
Президентлер усы жылдың 16-17-сентябрь күнлери Душанбе қаласында өткерилетуғын Шанхай бирге ислесиў шөлкеми Мәмлекет басшылары кеңеси мәжилисиниң илажларына таярлықтың барысын көрип шықты, сондай-ақ, Аўғанстанда жүзеге келип атырған жағдай бойынша пикир алысты.
ШБШның болажақ саммити шеңберинде жетекшилер еки тәреплеме ҳәм регион күн тәртибиндеги мәселелер бойынша айрықша ушырасыў өткериў бойынша келисимге ерисилди.
ӨзА