Өзбекстан Республикасы ғәрезсизлигиниң 30 жыллығы мүнәсибети менен Президент Шавкат Мирзиёевтиң атына сырт еллер ҳәм ҳүкиметлер, абырайлы халықаралық шөлкемлердиң басшылары, белгили жәмийетлик ҳәм динй ғайраткерлерден қызғын қутлықлаўлар келмекте.
Оларда сырт елли бирге ислесиўшилеримиз мәмлекетимиздиң ғәрезсизлик жылларындағы жоқары табысларын айрықша атап өткен. Кейинги жыллары демократиялық жаңаланыўлар, көп миллетли халқымыздың турмыс сапасы ҳәм абаданлығын арттырыўға қаратылған кең көлемли социаллық-экономикалық реформалар бағдарламасын әмелге асырыўдағы нәтийжелер, сондай-ақ, жаңа Өзбекстанның региондағы жетекши ролиниң тән алыныўына ҳәм мәмлекетимиз халықаралық абырайының беккемлениўине хызмет етип атырған конструктивлик ҳәм прагматикалық сыртқы сиясатты алып барыўдағы жетискенликлер атап өтилген.
Хатларда мәмлекетимиз басшысына жаңа табыслар, Өзбекстан халқына болса тынышлық-татыўлық, абаданлық ҳәм раўажланыў тилеклери билдирилген.
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
Мәмлекетиңиз ғәрезсизлигиниң 30 жыллығы мүнәсибети менен Өзбекстан Республикасы халқына ең жақсы тилеклеримди билдириўге руқсат еткейсиз.
Бул қурамалы мәўритлерде биз ҳәр бир мәмлекет улыўмалық глобаллық абаданлыққа ерисиў жолында өзиниң үлесин қосыў қаншелли әҳмийетли екенин және бир мәрте түсинемиз ҳәм усы мүнәсибет пенен Сизиң Жаңа Өзбекстанды қурыў бағдарындағы беккем умтылысыңызды алғыслаймыз.
COVID-19 пандемиясының ақыбетлерин жеңип өтиўде биргеликте ҳәрекет етер екенбиз, және де турақлы ҳәм әдил жәмийет қурыў ушын тиклениў процесслеринен пайдаланыўымыз зәрүр. Сондай-ақ, климат өзгерислери тараўындағы кешиктирип болмайтуғын ўазыйпаларды шешиў бойынша исенимли ҳәрекет етиўимиз, Турақлы раўажланыў мақсетлерине ерисиў бойынша ис-ҳәрекетлерди жеделлестириўимиз керек.
Ғәрезсизлик күни мүнәсибети менен, Өзбекстан Республикасы Бирлескен Миллетлер Шөлкеминиң және де беккем болыўына ҳәм ҳәмме ушын және де абадан ҳәм және де әдил дүньяны қурыўға буннан былай да жәрдемлесетуғынына үмит етемен.
Уллы мәртебели Мырза, Сизге болған жоқары ҳүрмет-иззетимди қабыл етиң.
Антониу ГУТЕРРИШ,
БМШтың Бас хаткери
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Шавкат Миромонович!
Өзбекстан Республикасы ғәрезсизлиги жәрияланғанының 30 жыллығы мүнәсибети менен қызғын қутлықлаўларымды қабыл еткейсиз.
Мәмлекетиңиз экономикалық ҳәм социаллық раўажланыў жолынан исенимли бармақта, дүнья сахнасында мүнәсип ҳүрмет-иззетке ерисип, регионаллық ҳәм халықаралық жумысларда конструктивлик роль атқармақта.
Мәмлекетлеримиз арасындағы стратегиялық шериклик ҳәм аўқамласлық қатнасықларын беккемлеўге, барлық бағдарларда нәтийжели бирге ислесиўди кеңейтиўге үлкен әҳмийет қаратып атырмыз. Бул Россия ҳәм Өзбекстанның дос халықлары мәплерине толық жуўап береди және Орайлық Азияда қәўипсизлик ҳәм турақлылықты тәмийинлеў мақсетине сәйкес болып табылады.
Сизге, ҳүрметли Шавкат Миромонович, шын кеўлимнен беккем денсаўлық ҳәм табыслар, барлық ўатанласларыңызға болса тынышлық-татыўлық, абаданлық ҳәм раўажланыў тилеймен.
Ҳүрмет пенен,
Владимир ПУТИН,
Россия Федерациясы Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Президент мырза!
Қытай Халық Республикасы ҳүкиметиниң ҳәм халқының атынан және жеке өзимниң атымнан Сизге ҳәм дос Өзбекстан халқына Өзбекстан Республикасы мәмлекетлик ғәрезсизлигиниң 30 жыллығы мүнәсибети менен қызғын қутлықлаўларымды ҳәм ең жақсы тилеклеримди билдириўге руқсат еткейсиз.
Ғәрезсизлик қолға киргизилгенинен берли өткен 30 жылда Өзбекстанда үлкен өзгерислер жүз берди, халықтың турмыс дәрежеси жоқарылады, республиканың халықаралық абырайы күннен-күнге артып барды.
Сиз, Президент мырза, мәмлекетлик басшысы лаўазымына кирискениңизден соң үлкен табысларға еристиңиз, реформалар бойынша кең көлемли компанияны алға қойып, жаңа раўажланыў режесин ислеп шықтыңыз.
Жаңа Өзбекстанды қурыў жумыслары жеделлеспекте, Орайлық Азияның турақлылығы ҳәм раўажланыўына унамлы руўх бағышламақта. Қытай Өзбекстанды оның миллий шараятларына сәйкес келетуғын раўажланыў жолынан барыўда буннан былай да қоллап-қуўатлайды және оның миллий раўажланыў ҳәм миллий тиклениўге бағдарланған ҳәрекетлеринде ийинлес болыўға таяр.
Усы жылы апрель айында биз нәтийжели ҳәм дослық руўхында пикирлестик, Қытай – Өзбекстан стратегиялық бирге ислесиўин ҳәр тәреплеме кеңейтиў бойынша жаңа ҳәм әҳмийетли келисимлерге еристик.
Мен Қытай – Өзбекстан қатнасықларын раўажландырыўға үлкен итибар қаратпақтаман, Сиз бенен исшең қатнасықларымыз ҳәм жеке дослығымызды жоқары қәдирлеймен. Қытай ҳәм Өзбекстан арасындағы ҳәр тәреплеме стратегиялық шерикликти еки мәмлекет ҳәм халық абаданлығы жолында турақлы түрде раўажландырыў ушын Сиз бенен биргеликте ислеўге таярман.
Дос Өзбекстанға раўажланыў ҳәм күш-қүдирет, оның халқына бахыт-ығбал ҳәм абаданлық тилеймен.
Си ЦЗИНЬПИН
Қытай Халық Республикасы Баслығы
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Президент мырза!
Америка халқының атынан Сизди ҳәм Өзбекстан халқын мәмлекетиңиз ғәрезсизлигиниң 30 жыллығы менен қутлықлайман. Америка Қурама Штатлары Өзбекстанның суверенитети, ғәрезсизлиги ҳәм аймақлық пүтинлигиниң исенимли тәрепдары болып келген ҳәм сондай болып қалады.
Кейинги жыллары қатнасықларымыз әдеўир кеңейди, биз стратегиялық шериклигимиз және тыныш, өз-ара байланысқан ҳәм турақлы регионды сақлаў жолындағы бирге ислесиўимиздиң тереңлесиўине үмит етемиз.
Соның менен бирге, пүткил дүньяда COVID-19 ға қарсы гүрес даўам етпекте, жақында Америка Қурама Штатлары тәрепинен COVAX бағдарламасы шеңберинде «Moderna» вакцинасының 3 миллион дозасының жеткерип берилгени Өзбекстандағы жағдайдың жақсыланыўына салмақлы унамлы тәсир көрсетиўине үмит билдиремен.
Қурама Штатлар Сизиң бул басламалар шеңбериндеги шериклигиңизди қәдирлейди. Қатнасықларымыз келешекте және де раўажланыўына үмит етемиз.
Ҳүрмет пенен,
Жозеф БАЙДЕН,
Америка Қурама Штатлары Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Шавкат Миромонович!
Өзбекстан Республикасы ушын ең әҳмийетли тарийхый ўақыя – Ғәрезсизликтиң 30 жыллығы мүнәсибети менен қызғын қутлықлаўларымды ҳәм ең жақсы тилеклеримди қабыл етиң.
Кейинги жыллары мәмлекетиңиз сиясий, экономикалық ҳәм социаллық раўажланыўда жоқары шеклерди ийеледи ҳәм халықтың абаданлығын арттырыўда салмақлы табысларға еристи. Мәмлекетиңизде күшли нәтийжели мәмлекет қурыў, миллий мәмлекетшиликти беккемлеў ҳәм халықаралық майдандағы абырайын жоқарылатыўға қаратылған модернизация процеси жедел даўам етпекте.
Сизиң басламаңыз бенен елиңизде жүз берип атырған көплеген унамлы өзгерислер алғысқа ылайық. Олар тек ғана Өзбекстан ушын емес, ал Орайлық Азия ҳәм пүткил дүнья ушын мақтаныш дәреги болып хызмет етпекте.
Мәмлекетлеримиз арасындағы дослық ҳәм жақсы қоңсышылық байланыслары еки тәреплеме бирге ислесиўимизге ҳақыйқый айқын мысал. Бул қатнасықлар мисли көрилмеген дәрежеге көтерилиўине ҳәм ҳәр тәреплеме стратегиялық шериклик руўхында раўажланыўда даўам ететуғынына исенемен.
Арамыздағы дослықтың даўамлы болыўына және жақын арада Сиз бенен ушырасатуғыныма үмит билдиремен.
Усы берекетли мәўритлерде Сизге, ҳүрметли Шавкат Миромонович, беккем денсаўлық, жуўапкершиликли жумысыңызға әўмет, туўысқан Өзбекстан халқына болса абаданлық ҳәм раўажланыў тилеймен.
Ҳүрмет пенен,
Нурсултан НАЗАРБАЕВ,
Қазақстан Республикасының
Биринши Президенти – Елбасы
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Қәдирли Шавкат Миромонович!
Әзиз туўысқаным!
Түркменстан халқының ҳәм ҳүкиметиниң атынан және жеке өзимнин атымнан Сизге ҳәм Сиз арқалы пүткил Өзбекстан Республикасының туўысқан халқына мәмлекетиңиз ғәрезсизлигиниң 30 жыллығы мүнәсибети менен қызғын қутлықлаўларымды ҳәм ең жақсы тилеклеримди жоллаў мен ушын үлкен мақтаныш.
Бүгин Сизиң ақылға уғрас басшылығыңызда Өзбекстан Республикасы турмыстың барлық тараўларында жедел раўажланбақта. Мәмлекетиңиз ушын қутлы әййямды социаллық-экономикалық раўажланыўда, халықтың абаданлығын арттырыўда, халықаралық майдандағы абырайды беккемлеўдеги ҳақыйқый үлкен табыслар менен қарсы алмақта.
Ҳәзирги күнде жақсы қоңсышылық, дослық ҳәм өз-ара жәрдем принциплерине тийкарланған Түркменстан-Өзбекстан қатнасықлары және де жедел ҳәм избе-из, өз-ара исеним, тең ҳуқықлылық ҳәм ашық-айдынлық руўхында раўажланып атырғанын үлкен қанаатланыўшылық пенен атап өтпекшимен.
Жақында «Аваза» миллий туризм зонасында болып өткен Орайлық Азия мәмлекетлери басшыларының Мәсләҳәт ушырасыўы шеңбериндеги сөйлесиўимизди айрықша қанаатланыўшылық пенен еслеймен. Сол ушырасыўда мәмлекетлеримиз арасындағы көп қырлы бирге ислесиўди турақлы кеңейтиў ҳәм беккемлеўге умтылыўымыздың исенимли екени және бир мәрте тастыйықланды. Түркменстан ҳәм Өзбекстан арасындағы стратегиялық әҳмийетке ийе дослық қатнасықлары биргеликтеги ҳәрекетлеримиз бенен буннан былай да халықларымыздың абаданлығы жолында раўажланып, беккемленетуғынына беккем исенемен.
Пурсаттан пайдаланып, Сизге, ҳүрметли Шавкат Миромонович, беккем денсаўлық, бахыт-ығбал ҳәм абаданлық, туўысқан Өзбекстан Республикасы халқына болса тынышлық-татыўлық, турақлы раўажланыў тилеймен.
Терең ҳүрмет пенен,
Гурбангули БЕРДИМУҲАМЕДОВ,
Түркменстан Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Шавкат Миромонович!
Барлық қазақстанлылар атынан ҳәм өзимниң атымнан Сизди ҳәм пүткил Өзбекстан халқын әҳмийетли тарийхый сәне – Өзбекстан Республикасы ғәрезсизлигиниң 30 жыллығы менен шын кеўилден қутлықлайман.
Бул қутлы ўақыяны туўысқан Өзбекстан миллети татыў, экономикалық раўажланыў пәтлери жоқары, халықаралық майданда мүнәсип ҳүрмет-иззетке ийе болған күшли ҳәм раўажланған мәмлекет сыпатында күтип алмақта.
Өзбек халқы, сизиң дөретиўши сиясатыңызды исенимли қоллап-қуўатлап ҳәм кең көлемли реформаларды табыслы жүзеге шығарып, турақлы раўажланыў жолын даўам еттиретуғыны сөзсиз.
Өткен үш он жыллықта Қазақстан ҳәм Өзбекстан халықларымыздың түпкиликли мәплеринен келип шыққан ҳәм көп әсирлик дослық ҳәм жақсы қоңсышылық байланысларын беккемлеген ҳалда ҳақыйқый стратегиялық шериклик қатнасықларын жолға қойғаны қанаатланыўшылық бағышлайды.
Сиз бенен биргеликтеги жумысларымыз буннан былай да Қазақстан ҳәм Өзбекстан арасындағы бирге ислесиўдиң үлкен потенциалын да еки тәреплеме дәрежеде, ҳәм регионаллық ҳәм халықаралық кооперация шеңберинде толық әмелге асырыўға хызмет етеди.
Бул салтанатлы күнде Сизге, ҳүрметли Шавкат Миромонович, жуўапкершиликли мәмлекетлик лаўазымдағы жумысыңызға жаңа табыслар, дос Өзбекстан халқына болса абаданлық ҳәм раўажланыў тилеймен.
Ҳүрмет пенен,
Қасым-Жомарт ТОҚАЕВ,
Қазақстан Республикасы Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Қәдирли Шавкат Миромонович!
Сизди ҳәм Өзбекстан Республикасының пүткил халқын тарийхый юбилей – мәмлекетиңиз ғәрезсизлигиниң отыз жыллығы мүнәсибети менен қызғын қутлықлайман.
Сизге беккем денсаўлық, бахыт-ығбал ҳәм жаңа табыслар, дос Өзбекстан халқына тынышлық, турақлылық ҳәм абаданлық ҳәм даўамлы раўажланыў тилеймен.
Ғәрезсизлик жылларында Өзбекстан өзиниң мәмлекетшилигин қурыўда, социаллық-экономикалық раўажланыўда ҳәм халықаралық майдандағы абырайын беккемлеўде салмақлы табысларға еристи. Елиңиз бүгин де усы жолдан жедел алға бармақта, Сизиң, ҳүрметли Шавкат Миромонович, басшылығыңыз астында халықтың турмыс шараятларын ҳәр тәреплеме жақсылаў ҳәм абаданлығын арттырыўға қаратылған әҳмийетли жаңаланыўларды избе-из әмелге асырмақта. Жақсы дос ҳәм қоңсы сыпатында Тәжикстанды дос Өзбекстанның усындай жетискенликлери қуўандырады.
Усы қолайлы имканияттан пайдаланып, Тәжикстан ҳәм Өзбекстан арасындағы дослық, жақсы қоңсышылық ҳәм өз-ара пайдалы бирге ислесиў қатнасықларын стратегиялық шериклик форматында избе-из раўажландырыў ҳәм кеңейтиўден мәпдар екенимизди атап өтпекшимен.
Конструктивлик сөйлесиўимиз ҳәм тығыз ҳәрекетлеримизди өз-ара исеним ҳәм ҳүрмет руўхында даўам еттириўимиз буннан былай да еки мәмлекет арасындағы беккем қатнасықларды дос халықларымыздың түпкиликли мәплерине муўапық ҳалда және де раўажландырыўға хызмет ететуғынына исенемен.
Ҳүрмет пенен,
Эмомали РАҲМОН,
Тәжикстан Республикасы Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Шавкат Миромонович,
Сизди ҳәм дос Өзбекстан халқын Өзбекстан Республикасы ғәрезсизлигиниң 30 жыллығы менен қызғын қутлықлайман.
Ғәрезсизликке ерискеннен берли Өзбекстан Республикасы социаллық-экономикалық реформаларды әмелге асырыў, күшли ҳәм турақлы демократиялық мәмлекет қурыў жолынан жедел қәдемлер тасламақта. Өзбекстан сырт еллер менен ҳәр тәреплеме бирге ислесиўди беккемлеўде үлкен табысларға еристи және халықаралық ҳәм регионаллық машқалаларға қосқан үлеси ушын жәҳән майданында мүнәсип орын ийеледи.
Әлбетте, бул жетискенликлер Сизиң, ҳүрметли Шавкат Миромонович. реформатор сыпатындағы исенимли ҳәрекетлериңиз нәтийжеси. Биз Қырғызстанда мәмлекетлеримиз арасындағы қатнасықларды раўажландырыўға қаратылған ҳәрекетлериңизди ҳәм оларды беккемлеўге қосқан үлкен үлесиңизди жоқары қәдирлеймиз.
Бүгинги күнде еки мәмлекеттиң бирге ислесиўи сапа жағынан жаңа, стратегиялық шериклик дәрежесине шықты. Қатнасықларымызды және де кеңейтиў ҳәм беккемлеўге, бир-биримизди халықаралық майданда қоллап-қуўатлаўға, заманагөй қәўип-қәтерлерге биргеликте гүресиўге таяр екенимизди айрықша атап өтпекшимен.
Дәстүрий дослық қатнасықларына тийкарланған бирге ислесиўимиз буннан былай да кеңейип баратуғынына беккем исенемен.
Усы жағымлы имканияттан пайдаланып, Сизге, ҳүрметли Шавкат Миромонович, беккем денсаўлық, жуўапкерли мәмлекетшилик жумысыңызға табыслар, дос Өзбекстан халқына болса тынышлық-татыўлық, абаданлық ҳәм раўажланыў тилеймен.
Ҳүрмет пенен,
Садир ЖАПАРОВ,
Қырғыз Республикасы Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Уллы мәртебели Президент,
Әзиз достым,
Өзбекстан Республикасының Ғәрезсизлик байрамы мүнәсибети Сиз, Уллы мәртебели Мырзаны ҳәм пүткил өзбек халқын халқының ҳәм жеке өзимниң атымнан ең жақсы туйғыларым менен қутлықлайман.
Дос ҳәм туўысқан Өзбекстан Республикасы Сиз, Уллы мәртебели Мырза басшылығында әмелге асырылған реформалар тәсиринде абаданлық ҳәм турақлылықты арттырып, регионның тынышлығына ҳәм раўажланыўына да өз үлесин қоспақта.
Түркия ҳәм түрк халқы Өзбекстанның ҳәм өзбек досларының бул ҳәрекетлеринде кеше болғанындай бүгин де, ертең де ийинлес болыўда даўам етеди.
Мәмлекетлеримиз арасындағы беккем туўысқанлық байланысларына тийкарланған қатнасықларымызға қурылған стратегиялық шерикликти қысқа ўақыт ишинде Сиз, Уллы мәртебели Мырза менен бирге мисли көрилмеген дәрежеге жоқарылаттық. Бул дәрежени қәстерлеп сақлаў ҳәм және де жоқарыларға көтериў ушын күшли ерк-ықрар бар екенлигин көриўден оғада қуўанышлыман.
Усы ўақыттан пайдаланып, Сиз, Уллы мәртебеле Мырзаға, денсаўлық ҳәм бахыт, дос ҳәм туўысқан өзбек халқына абаданлық ҳәм аманлық тилеймен.
Режеп Таййип ЭРДОҒАН,
Түркия Республикасының Президенти
* * *
Өзбекстан Республикасы Президенти
Уллы Мәртебели мырза Шавкат Мирзиёевқа
Ҳүрметли Президент мырза!
Өз атымнан ҳәм Әзербайжан халқы атынан Сизди ҳәм Сиз арқалы пүткил халқыңызды дос Өзбекстан Республикасы ғәрезсизлигиниң 30 жыллығы мүнәсибети менен қызғын қутлықлайман.
Сизиң әдил сиясатыңыз нәтийжесинде социаллық-экономикалық ҳәм басқа да тараўларда ерисилген салмақлы жетискенликлер дос мәмлекет сыпатында бизлерди оғада қуўандырмақта.
Өз-ара исеним ҳәм жәрдемге тийкарланған бүгинги Әзербайжан – Өзбекстан қатнасықлары бизге үлкен қуўаныш бағышлайды. Оларда сиясий, экономикалық ҳәм мәдений байланыслардың ҳәр тәреплеме раўажланыўы көзге тасланбақта.
Мәмлекетлеримиз арасындағы қатнасықлар ҳәм еки тәреплеме, ҳәм көп тәреплеме форматта буннан былай да беккемленип барыўына, биз әмелге асырып атырған биргеликтеги ҳәрекетлер халықларымыздың абаданлығына хызмет ететуғынына исенемен.
Усы әҳмийетли күнде Сизди және бир мәрте қутлықлайман, дос Өзбекстанға тынышлық-парахатшылық ҳәм раўажланыў тилеймен.
Ҳүрмет пенен,
Илҳом АЛИЕВ,
Әзербайжан Республикасының Президенти
* * *
Өзбекстан Республикасы Президенти
Уллы мәртебели мырза Шавкат Мирзиёевқа
Уллы мәртебели Мырза,
Сизге ҳәм дос Өзбекстан халқына Өзбекстан ғәрезсизлигиниң 30 жыллығы мүнәсибети менен шын жүректен қутлықлаўларымды жеткериўден қуўанышлыман.
Ҳиндстан ҳәм Өзбекстанды терең тарийхый ҳәм цивилизациялық байланыслар байланыстырып турады. Өткен жыллар даўамында еки тәреплеме қатнасықларымыз бир неше тараўларды қамтып алды, мәлимлеме технологиялары, космос, атом энергетикасы, раўажланыў ушын шериклик, денсаўлықты сақлаў, билимлендириў, илим ҳәм техника және мәденият усылардын қатарына киреди. Бизлердиң стратегиялық шериклигимиз көп қырлы байланысларымызды және де диверсификациялаў ҳәм кеңейтиўге қаратылған.
Бизлердиң Бирлескен Миллетлер Шөлкеми «Ҳиндстан – Орайлық Азия» сөйлесиўи ҳәм Шанхай бирге ислесиў шөлкеминдеги бирге ислесиўимиз көп тәреплеме конференцияларда позицияларымыздың уқсаслығын көрсетпекте. Исенимим кәмил, Ҳиндстан ҳәм Өзбекстан биргеликте регионымыз алдында турған улыўма машқалаларды шешиўде өз үлесин қосады.
Пурсаттан пайдаланып, Сиз, Уллы мәртебели Мырзаға беккем денсаўлық, бахыт-ығбал ҳәм барлық жумысларыңызда табыслар тилеп қаламан.
Уллы мәртебели Мырза, Сизге болған жоқары ҳүрметимди қабыл еткейсиз.
Нарендра МОДИ,
Ҳиндстан Республикасының Бас министри
* * *
Өзбекстан Республикасы Президенти
Уллы мәртебели мырза Шавкат Мирзиёевқа
Уллы мәртебели Мырза,
Өзбекстан Республикасы ғәрезсизлигиниң 30 жыллығы мүнәсибети менен Пакистан халқы ҳәм жеке өзимниң атымнан Сизге қызғын қутлықлаўларымды жоллаў маған үлкен қуўаныш бағышлайды.
Пакистан ҳәм Өзбекстан арасындағы дослық байланыслары көп әсирлик диний, мәдений ҳәм тарийхый бирликке тийкарланған. Пакистан Өзбекстан менен барлық тараўларда еки тәреплеме бирге ислесиўди күшейтиўге үлкен әҳмийет береди.
Жақында гөззал мәмлекетиңизге әмелге асырған сапар етиўим даўамында биз еки тәреплеме мәселелер бойынша толық пикир алыстық. Сизди исендирип айтаман, мениң ҳүкиметим мәмлекетлеримиз арасындағы жақсы дослық байланыслар ҳәм бирге ислесиўлерди кеңейтиўден мәпдар.
Пурсаттан пайдаланып, Сиз Уллы мәртебели Мырзаға беккем денсаўлық ҳәм үлкен табыслар, Өзбекстанның дос халқына болса турақлы тынышлық, раўажланыў ҳәм абаданлық тилеймен.
Уллы мәртебели Мырза, жоқары ҳүрметимди қабыл еткейсиз.
Имрон ХОН,
Пакистан Ислам Республикасының Бас министри
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Уллы мәртебели Мырза!
Сизди ҳәм пүткил өзбек халқын Өзбекстан Республикасы ғәрезсизлигиниң 30 жыллығы менен қызғын қутлықлаўға руқсат еткейсиз.
Мәмлекетлеримиз арасындағы айрықша стратегиялық шериклик және де раўажланатуғынына үмит етемен ҳәм халықларымыздың дослығы ҳәм өз-ара алмасыўларының буннан былай да беккемлениўин тилеймен.
Сизге, Президент мырза ҳәм зайыбыңызға беккем денсаўлық ҳәм бахыт-ығбал Өзбекстан Республикасына болса шексиз раўажланыў тилеймен.
Мун Чжэ ИН,
Корея Республикасының Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Сизди Өзбекстан Республикасы ғәрезсизлигиниң 30 жыллығы мүнәсибети менен қызғын қутлықлайман.
2019-жыл декабрь айында Сизиң Японияға биринши рәсмий сапар етиўиңиз болып өтти. Усы жылы май айында өткен телефон арқалы сөйлесиўимиз сапар етиўиңиздиң логикалық даўамы болды. Сәўбетимиз даўамында Япония ҳәм Өзбекстан арасындағы узақ тарийхқа ийе дослықтың әҳмийетин, стратегиялық шерикликти буннан былай да беккемлеў ҳәм кеңейтиўге таяр екенимизди тастыйықлағанымыздан оғада қуўанышлыман.
Япония ҳүкимети Өзбекстанның раўажланыўына избе-из жәрдемлесиў ҳәм Сизиң басшылығыңызда алып барылып атырған реформаларды қоллап-қуўатлаў нийетинде.
Сизиң Японияға сапар етиўиңиз шеңберинде ерисилген келисимлер тийкарында мәмлекетлеримиз арасындағы бирге ислесиў барлық тараўларда раўажланатуғынына исенемен.
Токиодағы Олимпиада ҳәм Паралимпия ойынларына таярлық көриў ҳәм оларды өткериўде көрсеткен үлкен жәрдемиңиз ушын Сизге қызғын миннетдаршылық билдиремен. Усы илажларда өзбекстанлы спортшылар ерискен табыслар менен Сизди қутлықлайман.
Пурсаттан пайдаланып, Сизге беккем денсаўлық, жумысыңызға үлкен табыслар, Өзбекстанға турақлы раўажланыў тилеймен.
Ҳүрмет пенен,
Ёсихидэ СУГА,
Японияның Бас министри
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Президент мырза!
Усы айрықша әҳмийетке ийе күн – Өзбекстан Республикасы ғәрезсизлигиниң 30 жыллығы мүнәсибети менен Сизге ҳәм халқыңызға қызғын қутлықлаўларымды жолламақтаман.
Коронавирус пандемиясының ақыбетлери Сиз тәрептен Өзбекстанда басланған реформалар сиясатына унамсыз тәсир көрсетти. Соның менен бирге, мәмлекетиңиз усы кризисли дәўирде экономикалық турақлылықты сақлап қалғаны әмелге асырылған реформалар сезилерли нәтийже берип атырғанын көрсетип тур. Бул Өзбекстан ушын реформаларды және де жедел алға қойыўда хошамет болатуғынына үмит етемен. Бул процессте Германия Өзбекстанды қызғын қоллап-қуўатламақта. Мәмлекетлеримиз арасында еки тәреплеме дипломатиялық қатнасықлар орнатылғанының 30 жыллығы мүнәсибети менен келеси жылға режелестирилген салтанат ҳәм илажларды айрықша қанаатланыўшылық пенен күтпектемен.
Сизге ҳәр тәреплеме раўажланыў, Өзбекстан халқына болса тыныш раўажланыў, еркин қәўипсизлик ҳәм айдын келешек тилеймен.
Франк-Вальтер ШТАЙНМАЙЕР,
Германия Федератив Республикасының
Федерал Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Президент мырза!
Өзбекстан Республикасының миллий байрамы ҳәм ғәрезсизлигиниң 30 жыллығы мүнәсибети менен өз атымнан ҳәм Франция халқы атынан Сизге қутлықлаўымды жоллаўдан қуўанышлыман ҳәм Өзбекстан халқына раўажланыў тилеймен.
Мәмлекетлеримиз жүзеге келген санитариялық-эпидемиологиялық жағдайға қарамастан еки тәреплеме бирге ислесиўди жоқары дәрежеде сақлап қалғанынан қуўанышлыман. Усы жылы май айында сыртқы саўда ҳәм экономикалық тартымлылық министри Франк Риестердиң Өзбекстанға сапар етиўи көплеген келисимлерге қол қойыў ҳәм авиация, энергетика, туризм инфраструктурасы, қалаларды турақлы раўажландырыў ҳәм суў хожалығы тараўларында экономикалық бирге ислесиў бойынша жаңа жойбарларды баслаў имканиятын берди. Өзбекстан бул жолда экономикалық өсиў бақланған санаўлы мәмлекетлерден бири болғаны айрықша дыққатқа ылайық. Кәрханаларымыз мәмлекетиңиздеги жумысын даўам еттиретуғыны ҳәм ол жерде жойбарларды ислеп шығаратуғынына үмит етемен.
Биз көплеген бағдарларда – мәденият, экономика ҳәм медицина тараўларында бирге ислесиў жойбарларын басладық, усы унамлы пәтти жақын ай ҳәм жылларда да даўам еттириўге үмит билдиремен. Әсиресе, халқыңыздың сийрек ушырасатуғын мийрасын қәдирлеў мақсетинде Көркем өнер ҳәм мәдениятты раўажландырыў қоры менен шерикликте мийрасты қәстерлеп сақлаў бағдарындағы бирге ислесиўимизден қуўанышлыман. Бүгинги күнде Франция илимий топарларының қатнасыўында қайта тиклеў бойынша да бир неше жойбар әмелге асырылмақта. Жақын айларда Францияда Өзбекстанның қатнасыўында бир неше әҳмийетли көргизбелер болып өтетуғыны және бир мәрте мәдений байланысларымыз қаншелли бай ҳәм беккем екенин көрсетпекте.
Президент мырза, Сизге болған жоқары ҳүрметимди қабыл еткейсиз.
Эммануэль МАКРОН,
Франция Республикасының Президенти
* * *
Өзбекстан Республикасы Президенти
Уллы мәртебели Мырза Шавкат Мирзиёевқа
Ҳүрметли Президент мырза!
Европа Аўқамы атынан Сизди мәмлекетиңиз ғәрезсизлигиниң отыз жыллық байрамы менен қызғын қутлықлаўға руқсат еткейсиз.
Өзбекстан жас мәмлекет болса да, ҳәр қанша мақтаныўға арзыйтуғын ески мийрасқа тийкарланған. Ғәрезсизлик жылларында мәмлекетиңиз көплеген жетискенликлерге еристи, регионда ҳәм дүнья жүзинде өз абырайын беккемледи.
Сизиң басшылығыңызда Өзбекстан қоңсылар менен көпирлерди тикледи ҳәм регионыңызда турақлылық ҳәм тыныш бирге ислесиўди алға қойыўда жетекшиликти өзине алды. Глобаллық ҳәм регионаллық қәўип-қәтерлерди жеңип өтиў жолында шериклик етиў өз-ара бирге ислесиўимиздиң тийкарғы бағдарларынан бири есапланады ҳәм Аўғанстандағы кейинги ўақыялардың көзқарасынан оғада айрықша әҳмийетке ийе.
Европа Аўқамы үш он жыллық даўамында мәмлекетиңиз бенен Шериклик ҳәм бирге ислесиў ҳаққындағы келисим тийкарында нәтийжели бирге ислесип келмекте. Қатнасықларымыз беккемлениўинде даўам етип, усы жылдың бәҳәринде биз елиңиздиң қоршаған орталығын басқарыў ҳәм инсан ҳуқықлары сыяқлы тараўлардағы халықаралық конвенцияларға қосылыў бағдарындағы табыслардың тән алыныўы сыпатында Өзбекстанның саўда преференцияларын алыў бойынша G!P+ системасынан пайдаланыў имканиятына ийе болғанын қоллап-қуўатладық.
Қатнасықларымызды жаңа, жедел бирге ислесиў басқышына көтериў нийетиндемиз, Кеңейтилген шериклик ҳәм бирге ислесиў келисими бойынша сөйлесиўлеримиз жуўмағына жетпекте. Усы келисимниң қабыл етилиўи Өзбекстан ғәрезсизлиги ҳәм еки тәреплеме қатнасықларымыздың 30 жыллығын белгилеў ушын мүнәсип нәтийже. Сиз әмелге асырып атырған модернизация ҳәм реформалар бағдарламасы ерисип атырған жетискенликлердиң көриниси болады.
Соны есапқа алып, мен Европа Аўқамының Орайлық Азия бойынша жаңадан тайынланған арнаўлы ўәкили, елши Тери Хакаладан оның Өзбекстанға сапар етиўи шеңберинде әҳмийетли тараўлардағы регионаллық ҳәм еки тәреплеме бирге ислесиўди және де раўажландырыў имканиятларын ҳүкиметиңиз бенен додалаўды сорадым.
Ҳүрметли Президент мырза, мәмлекет жетекшиси сыпатында Сизге усы қутлықлаў хатын жоллап, жаңа келешекте Брюссельге режелестирилип атырған сапар етиўиңиз шеңберинде Сиз бенен ушырасамыз, деп үмит билдиремен.
Ҳүрметли Президент мырза, Сизге болған жоқары ҳүрмет-итибарымды қабыл еткейсиз.
Терең ҳүрмет пенен
Шарль МИШЕЛЬ,
Еропа Кеңесиниң Президенти
* * *
Сондай-ақ, төмендегилер өз қутлықлаўларын жоллаған:
Беларусь Республикасы Президенти Александр ЛУКАШЕНКО
Саудия Арабстаны Патшасы, Еки муқаддес мешиттиң хызметкери Салмон бин Абдулазиз Ол САУД
Бирлескен Араб Әмирликлери Президенти шайх Халифа бин Зоид Ол НАҲАЁН
Египет Араб Республикасы Президенти Абдулфаттоҳ ас-СИСИ
Иран Ислам Республикасы Президенти Иброҳим РАИСИЙ
Оман Султаны Ҳайсам бин Ториқ Ол САИД
Палестина Мәмлекетиниң Президенти Маҳмуд АББОС
Япония Императоры Нарухито
Уллы Британия ҳәм Қубла Ирландия Патшайымы Елизавета II
Испания Патшасы Фелипе VI
Нидерландия Патшасы Виллем-АЛЕКСАНДР
Австрия Республикасы Федерал Президенти Александр Ван дер БЕЛЛЕН
Болгария Республикасының Президенти Румен РАДЕВ
Венгрия Президенти Янош АДЕР
Латвия Республикасы Президенти Эгилтс ЛЕВИТС
Польша Республикасы Президенти Анжей ДУДА
Португалия Республикасы Президенти Марселу Ребелу де СОУЗА
Румыния Президенти Клаус ЙОХАННИС
Сербия Республикасы Президенти Александр ВУЧИЧ
Финляндия Республикасы Президенти Саули НИИНЕСТЁ
Чехия Республикасы Президенти Милош ЗЕМАН
Швейцария Конфедерациясы Президенти Ги ПАРМЕЛИН
Эстония Республикасы Президенти Керсти КАЛЬЮЛАЙД
Австралия Аўқамының Генерал-губернаторы Девид ХЁРЛИ
Рим-католик ширкеўиниң баслығы Франциск
Сингапур Республикасы Президенти Ҳалима ЁҚУБ
Шри-Ланка Демократиялық Социалистлик Республикасы Президенти Готабая РАЖАПАКСА
Таиланд Патшалығының Бас министри Прают Чан-ОЧА
Саудия Арабстаны Патшалығының мийрасқоры, Министрлер Кеңеси баслығының орынбасары , қорғаныў министри Муҳаммад бин Салмон бин Абдулазиз Ол САУД
Бирлескен Араб Әмирликлери Вице-президенти, Бас министри, Дубай әмирлигиниң ҳәкими шейх Муҳаммад бин Рошид Ол МАКТУМ
Бирлескен Араб Әмирликлери Қураллы күчлери Жоқары бас сәркардасының орынбасары, Абу-Даби Әмирлигиниң мийрасқоры шейх Муҳаммад бин Зоид Ол НАҲАЁН
Бирлескен Араб Әмирликлери Бас министриниң орынбасары, Президент ислери бойынша министри шейх Мансур бин Зоид Ол НАҲАЁН
Бирлескен Араб Әмирликлери Бас министриниң орынбасары, ишки ислер министри Сайф бин Зоид Ол НАҲАЁН
Ғәрезсиз Мәмлекетлердиң Дослық Аўқамы Атқарыў комитетиниң баслығы – Атқарыўшы хаткери Сергей ЛЕБЕДЕВ
Экономиклық бирге ислесиў шөлкеминиң бас хаткери Хусрав НОЗИРИЙ
Жәҳән туристлик шөлкеминиң бас хаткери Зураб ПОЛОЛИКАШВИЛИ.
Қутлықлаўлардың келиўи даўам етпекте.