Сурхандәрья ўәлаятының Термиз қаласына спорттың миллий гүрес түри бойынша «Универсиада» спорт жарысларының финал басқышында Қарақалпақстан Республикасы сайланды командасы қатнасып атырғаны ҳаққында хабар берген едик.
1-5-февраль күнлери аралығында болып өткен киши олимпиадаға Қарақалпақстан Республикасы сайланды командасы қурамында Қарақалпақ мәмлекетлик университети, Нөкис мәмлекетлик педагогикалық институты ҳәм Өзбекстан дене тәрбиясы ҳәм спорт университетиниң Нөкис филиалы студентлери қатнасты.
Жарыс жуўмақларына муўапық, республикамыз сайланды командасы 1 алтын, 2 гүмис ҳәм 4 бронза – жәми 7 медальды қолға киргизди.
Алтын медаль
57 кг салмақта Амангүл Алланазарова
Гүмис медальлар
48 кг салмақта Зухра Исакова
100 кг салмақта Захритдин Зайытов
Бронза медальлар
87 кг салмақта Айбаршын Мустафақулова
+87 кг салмақта Сайёра Айтмуратова
90 кг салмақта Эргаш Айтбаев
+100 кг салмақта Азат Орынбаев.
Палўанларды жарысқа Әбдикерим Бекмурзаев ҳәм Нурсулыў Бердақова таярлады.
Ислам Матеков,
Қарақалпақстан хабар агентлигиниң шолыўшысы.