Усы жылдың 2-19-сентябрь күнлери аралығында Өзбекстан мәмлекелик көркем өнер ҳәм мәденият институты Нөкис филиалының бакалаврият билимлендириў бағдарына ҳүжжет тапсырған абитуриентлердиң быйылғы оқыў жылындағы дөретиўшилик имтиханлары жуўмақланды.
Быйылғы жаңа оқыў жылында филиалға 9 тәлим бағдары бойынша жәми 424 абитуриент дизимнен өткен болып, 381 абитуриент имтиханларға қатнасты. 43 абитуриент белгисиз себеплерге бола, имтиханларға келмеген.
Дөретиўшилик (кәсиплик) имтиханлар пайтахтымыздағы 22-санлы балалар музыка ҳәм көркем өнер мектебинде өткерилди.
Мағлыўмат ушын, усы жылғы күндизги ҳәм сыртқы бөлимлерге 9 билимлендириў бағдары бойынша 300 студент қабыл етилиўи белгиленген. (Күндизги бөлимге 225, сыртқы бөлимге 75)
Қарақалпақстан хабар агентлиги