Президент Шавкат Мирзиёев 2-сентябрь күни Өзбекстанның Биринши Президенти Ислам Кәримов естелигине гүлшеңбер қойып, оның жарқын естелигине ҳүрмет көрсетти.
Мәмлекетимиз басшысының 2017-жыл 25-январьдағы қарарына муўапық, 2-сентябрь сәнеси Биринши Президентти Еслеў күни сыпатында белгиленеди. Мәмлекетимиз тарийхын, Ислам Кәримов хызметлерин қәдирлеў халқымызға, жасларымызға мәнаўият бағышлайды.
Шавкат Мирзиёев Өзбекстан Республикасы Ғәрезсизлигиниң жигирма тоғыз жыллығына бағышланған сөзинде Биринши Президентимиз басшылығында қолға киргизилген мәмлекетлик ғәрезсизлиги әсирлик арзыў-әрманларымызды әмелде тәмийинлеген уллы ўақыя екенин атап өтти.
Ислам Кәримов атындағы илимий-ағартыўшылық естелик комплексинде Қуран оқылды.
Өзбекстан Республикасы Олий Мажлиси Сенаты ҳәм Нызамшылық палатасы, Президент Администрациясы, Министрлер Кабинети, министрликлер ҳәм уйымлар, пайтахт жәмийетшилигиниң ўәкиллери де естеликке гүллер қойды.
Ислам Кәримовтың Самарқандта ҳәм Қаршы қалаларындағы естеликлерине де гүллер қойылды.
ӨзА