Ҳүрметли Президентимиздиң басшылығында халқымызды коронавирустан қорғаў, пуқараларымыздың социаллық жәрдемге мүтәж қатламын және де қыйын жағдайға түсип қалмаўының алдын алыў бойынша барлық тийисли илажлар көрилмекте.
O’zLiDeP Қарақалпақстан Республикалық Кеңеси Баспасөз хызметиниң мағлыўматларына қарағанда, Халық депутатлары Нөкис қалалық Кеңесиндеги O’zLiDeP депутатлық топары ағзасы А.Сайпова өзи сайланған аймаққа барып, аймақтағы социаллық жәрдемге мүтәж шаңарақларға бийпул палыз өнимлерин тарқатты.
Ол өз сайлаўшылары арасында коронавирус инфекциясы тарқалыўының алдын алыўды үгит-нәсиятлап, дәрамат дереги болған үй алды қыйтақ жерлерине 2-3 мәрте егин егиў, қараўсыз қалған жерлерден де үнемли пайдаланыў баслы ўазыйпа екенин атап өтти.
Карантин қағыйдаларына толық әмел етиў, өз саламатлығына бийпәрўа болмаў, әйне егис мапазы ўақтында үй алды қыйтақ жерлерден үнемли пайдаланыў бойынша үгит-нәсият жумыслары даўам етпекте.
Қарақалпақстан хабар агентлиги.