YouTube пайдаланыўшыларының қызығыўшылығына сәйкес түрде тосыннан видеоларды шақыратуғын жаңа функцияны сынақтан өткерип баслады. Бул ҳаққында «9to5google» басылымы мәлим етти.
Жаңа функция «Play Something» деп аталып, түйме қара фон үстинде ақ тексттен жазылған «Play Something» жазыўы ҳәм орынлаўшы белгиден ибарат болып, интерфейсте сезилерли дәрежеде ажыралып турады.
Бул түймени басыў арқалы пайдаланыўшы «Shorts»да видеоны тамаша етиўди баслайды.
Қызық тәрепи сонда, бул функция тек «Shorts» видеолары емес, ал әпиўайы контентти де портрет режиминде көрсетеди.
Интерфейстиң оң тәрепинде унатыў, унатпаў, пикир қалдырыў ҳәм бөлисиў ушын үлкен түймелер, төменги бөлиминде болса ўақыт шкаласы жайласқан.
Дәслепки мағлыўматларға бола, айырым «Android» пайдаланыўшылары бул функциядан әллеқашан пайдаланыўды баслаған. Жаңа функция пайдаланыўшыларға көбирек қызықлы видеоларды табыўда жәрдем бериўи күтилмекте.
Қарақалпақстан хабар агентлиги