Өзбекстан Республикасы Министрлер Кабинетиниң «Сырт ел пуқараларының ҳәм пуқаралығы болмаған шахслардың Өзбекстан Республикасына келиўи, кетиўи, бул жерде болыўы ҳәм транзит өтиўи тәртиби ҳаққында»ғы 1996-жыл 21-ноябрьдеги қарарына өзгерислер киргизилди.
Бирлескен Араб Әмирликлеринен мәмлекетимизге тиккелей сырт ел инвестицияларын тартыў потенциалын инабатқа алып, сондай-ақ, Бирлескен Араб Әмирликлери резиденти статусын алған сырт ел инвесторлары менен саўда-экономикалық байланысларды хошаметлеў мақсетинде Министрлер Кабинети қарар етти.
Бирлескен Араб Әмирликлери пуқаралары ушын Өзбекстан Республикасы аймағына кирген күннен баслап 30 күн мүддетке визасыз режим 2020-жыл 1-январьдан баслап Бирлескен Араб Әмирликлери резиденти статусын алған сырт мәмлекетлердиң пуқараларына қолланылады. Бирлескен Араб Әмирликлери резиденти статусын алған сырт мәмлекетлердиң пуқаралары Өзбекстан Республикасына кириўде әмел етиў мүддети 90 күннен аз болмаған резидентлик визасының түп нусқасын усынады.
ӨзА