Өзбекстан Республикасы Президенти Шавкат Мирзиёев 31-декабрь күни Түркия Республикасы Президенти Режеп Таййип Эрдўғон менен телефон арқалы сөйлести.
Мәмлекет басшылары кирип киятырған Жаңа жыл байрамы менен бир-бирин қызғын қутлықлады.
2019-жыл мәмлекетлеримиз арасындағы дослық ҳәм стратегиялық шериклик қатнасықларын беккемлеўде әҳмийетли болғаны қанаатланыўшылық пенен атап өтилди. Өзбекстанның Түркий тиллес мәмлекетлердиң бирге ислесиў кеңесине толық ҳуқықлы ағза сыпатында кириўиниң тарийхый әҳмийети атап өтилди.
Түрли дәрежедеги байланыслар сезилерли жеделлести, өз-ара пайдалы саўда-эклномикалық ҳәм инвестициялық бирге ислесиў избе-из раўажланбақта, перспективалы қоспа жойбарлар әмелге асырылып, илимий-техникалық ҳәм мәдений-гуманитарлық алмасыўлар кеңеймекте.
Сөйлесиўде Президентлер болажақ жоқары дәрежедеги ушырасыўлар сиясат, экономика, транспорт коммуникациялары, туризм, билимлендириў, денсаўлықты сақлаў ҳәм басқа да бағдарлардағы өз-ара пайдалы шерикликти және де беккемлеў ушын үлкен әҳмийетке ийе екенин атап өтти.
Сондай-ақ, халықаралық ҳәм регионаллық әҳмийетке ийе мәселелер бойынша пикир алысылды.
ӨзА