Бүгин Венгрияның Будапешт қаласында қылышласыў бойынша Жәҳән чемпионатының таңлап алыў беллесиўлериниң соңғы күн ушырасыўлары өткерилип, олардан ер адамлар рапира, ҳаял-қызлар болса сабля бағдарында беллесиўлерге кириседи.
Сабляда өтетуғын беллесиўлерде мәмлекетимиздиң абырайын 4 спортшымыз қорғайды.
Беллесиўлерде төмендеги спортшыларымыз плей-офф жолланбасы ушын гүрес алып барады: Яна Обинцева, Паола Плиего, Севинч Исмоилова, Зайнаб Дайибекова.
Алдынғы күнниң беллесиўлерине бола, шпагашыларымыздан Олег Соколов ҳәм Малика Ҳакимова, рапирада Яна Алборова плей-офф басқыш жолланбасын қолға киргизген еди.
ӨзА