Өзбекстан Республикасы Президентиниң
пәрманы
Ўатанымыз ғәрезсизлигин беккемлеў, халқымыздың мәдениятын ҳәм мәнаўиятын жоқарылатыў жумысына қосқан мүнәсип үлеси, жарқын таланты ҳәм көп қырлы дөретиўшилиги, илимий жумысы, жемисли хызметлери, жас әўладты ана Ўатанға сүйиспеншилик, ғәрезсизлик идеяларына садықлық руўхында саламат ҳәм бәркамал етип тәрбиялаў және жәмийетлик жумысларға белсене қатнасқаны ушын төмендегилерге ҳүрметли атақлар берилсин:
Қарақалпақстан Республикасы бойынша:
«Өзбекстан Республикасы халық жазыўшысы»
Абдурахманов Оразбай – Өзбекстан Жазыўшылар аўқамының ағзасы, жазыўшы.
«Өзбекстан Республикасында хызмет көрсеткен артист»
Халықназарова Лизахан Утепбергеновна – Қарақалпақ мәмлекетлик жас тамашагөйлер театрының актёры
Халқымыздың илимий-интеллектуаллық потенциалын ҳәм мәнаўиятын арттырыў, билимлендириў, мәденият, әдебият, көркем өнер, денсаўлықты сақлаў тараўларын раўажландырыўдағы хызметлери, Ўатанымыз ғәрезсизлигин, елимиздеги тынышлық ҳәм турақлылықты беккемлеў жумысына қосқан мүнәсип үлеси және жәмийетлик жумысларға көп жыл жемисли қатнасқаны ушын төмендегилер сыйлықлансын.
«Меҳнат шуҳрати» ордени менен
Алеушиева Жығагул Смайловна – Шоманай районы 57-санлы аўыллық шаңарақлық поликлиникасы гинеколог шыпакери
«Дўстлик» ордени менен
Балтаниязов Сәрсенбай Айтмуратович – Өзбекстан мәмлекетлик көркем өнер ҳәм мәденият институтының Нөкис филиалы режиссёрлық ҳәм актёрлық шеберлиги кафедрасының доценти
Назарова Салима Каюмовна – Қарақалпақстан Республикасы эндокринология диспансериниң бас шыпакери
Тоқсанбаева Гулбаҳар Оразбаевна – Мойнақ районы мәденият ҳәм халықтың дем алыў орайы директоры
Өзбекстан Республикасы
Президенти Ш.МИРЗИЁЕВ
Ташкент қаласы,
2018-жыл 28-август