Президент Администрациясы, Министрлер Кабинети, Мәмлекетлик хызметти раўажландырыў агентлиги ҳәм министрликлердиӊ жуўапкер хызметкерлеринен ибарат Өзбекстан делегациясы Бирлескен Араб Әмирликлерине барды.
Бизге белгили, Өзбекстан Республикасы Президенти жанындағы Мәмлекетлик хызметти раўажландырыў агентлиги БАӘ Мәмлекетлик инсан ресурслары федерал уйымы менен бирге ислесип келмекте.
Бул бирге ислесиў шеӊберинде Өзбекстан мәмлекетлик хызметкерлериниӊ Дубай қаласындағы гезектеги стажировка бағдарламасы ислеп шығылды.
Бағдарлама даўамында мәмлекетлик хызметкерлер БАӘ мәмлекетлик басқарыўындағы алдынғы тәжирийбени үйренип, оларды енгизиў бойынша тийкарлы усыныслар ислеп шығады.
БАӘ ҳүкиметиниӊ инсан ресурслары бойынша стратегиясы, кадрлар ҳәм қәбилетлилер резервин жүргизиў системасы, инсан ресурсларын басқарыў бойынша Bayanati системасы менен танысады.
Сондай-ақ, мәмлекетлик шөлкемлерде инсан ресурсларын басқарыў бөлимлериниӊ жетиклик индексин анықлаў методологиясын үйренеди ҳәм оны Өзбекстанда қолланыў бойынша жол картасын ислеп шығады.
Н.Абдураимова, ӨзА