Бас прокуратура жанындағы Департаменттиң Әмиўдәрья районы бөлими тәрепинен электр тармақлары кәрханасы хызметкерлери менен биргеликте өткерилген тергеўге шекемги тексериўде электр энергиясынан нызамсыз пайдаланып келген фермер хожалығы анықланды.
Атап айтқанда, райондағы “S-D.” фермер хожалығының жуўапкер шахслары тәрепинен фермер хожалығының суў насосларын электр тармақлары кәрханасынан дизимнен өтпеген электр есаплағыш арқалы жалғап, жәми 611,9 миллион сумлық электр энергиясынан нызамсыз пайдаланғаны мәлим болды.
Бул жағдай бойынша Жынаят кодексиниң тийисли статьялары менен жынаят иси қозғатылып, тергеў ҳәрекетлери алып барылмақта.
Қарақалпақстан хабар агентлиги