2023-2024-оқыў жылында жоқары билимлендириў мәкемелериниң бакалавриат тәлим бағдарларына оқыўға кириў ушын онлайн дизимнен өткен абитуриентлерге «Абитуриент руқсатнамасы»н бериў басланды.

Абитуриентлерге тест сынақларында қатнасыў ушын «Абитуриент руқсатнамасы»н my.uzbmb.uz сайтына жеке идентификация саны ҳәм паспорт сериясы менен санын киргизген ҳалда алыўы мүмкин.

Абитуриентлер тест сынағына паспорт (ID-карта) ҳәм абитуриент руқсатнамасы менен белгиленген ўақыттан кешикпеген ҳалда келиўи керек.

Паспорт нусқасы ямаса басқа да ҳүжжетлер менен келген, сондай-ақ, кешигип келген абитуриентлер тест сынақларына киргизилмейди.

Қарақалпақстан хабар агентлиги