Өзбекстан Республикасы Президенти Шавкат Мирзиёевтиң Түркия Республикасы Президенти Режеп Таййип Эрдоған менен телефон арқалы сөйлесиўинде жоқары дәрежедеги Стратегиялық бирге ислесиўдиң болажақ мәжилисине биргеликте ҳәр тәреплеме таярлық көриў зәрүр екени ҳаққында сөз етти.
Сөйлесиў алдынан Түркия Президенти мәмлекетимиз басшысын мүддетинен бурын Президент сайлаўында ерискен исенимли жеңиси менен қызғын қутлықлады, сайлаўшылардың даўыс бериўдеги белсене қатнасқанын ҳәм Жаңа Өзбекстанда әмелге асырылып атырған реформалар халық тәрепинен кеңнен қоллап-қуўатланып атырғанын атап өтти.
Кейинги жылларда Өзбекстан-Түркия кең көлемли стратегиялық шериклик қатнасықларында жоқары дәрежеге ерисилгени үлкен қанаатланыўшылық пенен атап өтилди.
Жедел сөйлесиў ҳәм алмасыўларды даўам еттириў, өз-ара саўда көлемин арттырыў, әҳмийетли инвестициялық жойбарлар ҳәм гуманитар бағдарламаларды әмелге асырыўға жәрдемлесиў мәселелерине айрықша итибар қаратылды.
ӨзА