Бердақ атындағы Қарақалпақ мәмлекетлик университетинде Өзбекстан Республикасы Президентиниң сыйлығы ушын «Шет тилин оқытыў бойынша ең жақсы мектеп» таңлаўының Қарақалпақстан Республикасы басқышы болып өтти.
Өткерилген таңлаў жуўмағында, 1-орынды Хожели районындағы 3-санлы улыўма орта билим бериў мектеби ийелеўге миясар болды.
Ал, 2-3-орынларды болса, Нөкис қаласындағы 27-санлы ҳәм Кегейли районындағы 55-санлы мектеп жәмәәтлери ийелеўге миясар болды.
Таңлаў соңында шөлкемлестириўшилер тәрепинен жеңимпазларға арнаўлы диплом, 250 млн, 200 млн ҳәм 150 млн сумлық ваучерлер салтанатлы түрде тапсырылды ҳәм 1-орынды жеңип алған Хожели районындағы 3-санлы мектеп таңлаўдың Өзбекстан Республикасы басқышына жолламаны қолға киргизди.
Адилбай Оразов,
Қарақалпақстан хабар агентлиги шолыўшысы