Усы жылдың 14-апрель күни Қарақалпақ мәмлекетлиқ университетиниң Тарийх факультетинде китапқумарлық ҳәптелиги шеңберинде көргизбе болып өтти. Оған Университет Мәлимлеме-ресурс орайы ҳәм кафедралар өз китаплары, оқыў-қолланбалары менен қатнасты. Илаж шеңберинде Тарийх илимлериниң кандиданты, доцент Айназар Өтемисовтың жаңа “Түслик Арал халқының салт-дәстүрлери” китабының таныстырыўы өткерилди.
Дәслеп Тарийх факультетиниң деканы С.А.Сулайманов сөзге шығып, этнография илиминиң пидайысы, нураный устаз А.Өтемисовтың жаңа китабы менен қутлықлады. Соң Ж.Ҳәкимниязов, Ж.Айтмуратов, М.Сейтимбетов ҳәм Қ.Тәңирбергеновалар, А.Өтемисовтың илимий-дөретиўшилик жолы, жаңа китабының мазмуны ҳәм қунлылығы ҳаққында айтып өтти. Соң А.Өтемисов өзиниң өмир ҳәм илим жолы, излениўлери ҳаққында сөз етти.
Кеше қатнасыўшылары китап көргизбелери менен танысты.
Хамре Қдырбаева,
ҚМУдың Интернет журналистикасы
тәлим бағдарының 4-курс студенти.
Қарақалпақстан хабар агентлиги