ӨзЛиДеП Тақыятас районлық Кеңеси тәрепинен «Депутатлар ҳәм исбилерменлер» форумы өткерилди.
Форумда Халық депутатлары Тақыятас районлық Кеңесиниң депутатлары, тийисли тараў ўәкиллери, жаслар қатнасты.
Онда депутатлар менен бирге жас исбилерменлердиң алдағы режелери ҳәм жойбарлары додаланды.
Форум шеңберинде тақыятаслы жас исбилермен С.Сабиров ҳәм басқалар өз жумысларын қалай баслағаны, әмелге асырып атырған жумыслары туўралы мағлыўматлар берип, жасларға баҳалы пикир-усыныслар билдирилди.
– Ҳәзирги ўақытта балықшылық, қусшылық, шарўа маллары фермасын шөлкемлестирип, 20 дан аслам жаслардың бәнтлиги тәмийинлеўге еристик,-дейди С.Сабиров.
Сәўбетлесиў даўамында депутатлар ҳәм мәкан пуқаралар жыйынындағы жаслар жетекшилери де мәҳәлледеги жәмлеспеген жасларды исбилерменликке кеңирек тартыў бойынша жол-жоба, көрсетпе ҳәм пикир-усынысларын билдирди.
Форумда жаслардың машқалалары ҳәм пикир-усыныслары да тыңланып, белсендилик көрсетип киятырған бир қатар жас исбилерменлерлерге алғыснама ҳәм естелик саўғалар тапсырылды.
Қарақалпақстан хабар агентлиги