2022-2023-оқыў жылы ушын республикалық жоқары билимлендириў мәкемелери қарамағындағы академиялық лицейлерге кириў имтиханларының жуўмақлаўшы нәтийжелери (мандат) жәрияланды.
Жуўмақлаўшы нәтийжелерди министрликтиң litsey.edu.uz рәсмий веб-сайты арқалы билиўиңиз мүмкин.
Абитуриент топлаған балы тийкарында үстинлик бойынша таңлаған академиялық лицейге оқыўға қабыл етиледи.
Академиялық лицейлерге кириў тест нәтийжелерин таңлаў үстинлиги бойынша анықлаў төмендеги тәртип тийкарында баҳаланды.
– ол таңлаған биринши академиялық лицейдиң бағдары бойынша оқыўға қабыллаўға жетерли болса, оның кириў тест сынағының нәтийжелери усы лицей бағдарында жәрияланады.
Онда абитуриентке таңлаған екинши ҳәм үшинши академиялық лицей бағдары бойынша таңлаўда қатнасыўға рухсат етилмейди;
– ол таңлаған биринши академиялық лицей бағдары бойынша оқыўға қабыллаўға жетерли болмай, ол таңлаған екинши лицей бағдары бойынша оқыўға қабыллаўға жетерли болса, оның кириў тест сынақ нәтийжелери усы екинши академиялық лицей бағдарында жәрияланады.
Онда абитуриентке таңлаған үшинши академиялық лицей бағдары бойынша таңлаўда қатнасыўға рухсат етилмейди;
– ол таңлаған биринши ҳәм екинши академиялық лицей бағдары бойынша оқыўға қабыллаўға жетерли болмай, ол таңлаған үшинши лицей бағдары бойынша оқыўға қабыллаўға жетерли болса, оның кириў тест сынақ нәтийжелери тек ғана үшинши лицей бағдарында жәрияланады;
– ол таңлаған биринши, екинши ҳәм үшинши академиялық лицей бағдары бойынша оқыўға қабыллаўға жетерли болмаған жағдайда, оның кириў тест сынағының нәтийжелери биринши таңлаған лицей бағдарында жәрияланады.
Қарақалпақстан хабар агентлиги