Жаздың ыссы күнлеринде автомобильде ҳәрекетлениўдиң өзи болмайды. Егер автомобиль кондиционерли болса, оннан пайдаланыўдың да айырым тәртип-қағыйдалары бар, деп мәсләҳәт бермекте Шокиржонов каналы.
- Кондиционерди иске қосыўдан алдын салонды 3-5 минут самаллатың.
- Суўық ҳаўа ағымын айдаўшы ҳәм оның жанындағы жолаўшының көкирек тәрепине қаратпаң. Суўық ҳаўа алдынғы айна (лобовой), қаптал айналар ямаса жоқарыға бағдарланған болыўы керек.
- Сырттағы ҳаўа ҳәм кондиционерден шығып атырған ҳаўаның температурасы 7…10 дәреже парықланыўы керек.
- Ыссы ҳаўада кондиционерди иске қосқаннан кейин алдын белгили бир температураға қойыў керек, кейин ала әсте-ақырын температура түсириледи.
- Узақ сапарға кондиционерли машинада жолға шыққаныңызда ҳәр ярым саат–бир саатта автомобиль салонын самаллатып турың.
- Кондиционер жақсы ислеўи ушын оның фреон дәрежесин өлшең ҳәм салондағы фильтрди, әлбетте, алмастырың.
Қарақалпақстан хабар агентлиги