Ташкент қаласында өткерилген республика қуўыршақ театрларының фестивалында Қарақалпақ мәмлекетлик қуўыршақ театры жәмәәти «Қорқыт ата» спектакли менен қатнасып, үшинши дәрежели диплом менен сыйлықланды.
Дәстүрий XIII фестивальда биринши орынды Ташкент миллий қуўыршақ театры, екинши орынды Әндижан ўәлаяты қуўыршақ театры ийеледи.
-Мурат Бегимов авторлығындағы бул спектакль тамашагөйлер тәрепинен жақсы күтип алынды,-дейди сахналастырыўшы режиссёр Қобланбек Қалилаев.-Тийкарғы рольлерди Шыңғыс Алламбергенов, Нурсултан Төреев, Султан Темирханов, Инабат Жуманиязова, Парахат Кулимов, Улмекен Қазақбаева ҳәм басқалар шеберлик пенен атқарды. Театрымыз жәмәәти жақын күнлерде жас тамашагөйлерге «Жақсылық қайтсын» спектаклин көрсетиўди режелестирип отырмыз.
Қарақалпақстан хабар агентлиги