Ҳиндстанның Нью-Дели қаласында 18-23-февраль күнлери аралығында спорт гүреслери бойынша Азия чемпионаты болып өтпекте.
Өзбекстан сайланды командасы қурамында – 82 кг салмақ категориясында қарақалпақстанлы палўан Жалғасбай Бердимуратов Азия чемпионатының бронза медалын қолға киргизди.
Бронза медаль ушын болып өткен беллесиўде жерлесимиз қазақстанлы Евгений Поливадовқа ҳеш қандай имканият қалдырмады.
Мағлыўмат ушын, өткерилип атырған Азия чемпионатында Өзбекстан сайланды командасы улыўма 1 алтын, 2 гүмис ҳәм 3 бронза медалын қолға киргизип, командалық есапта Ираннан соң екинши орынды ийеледи.
Ислам Матеков,
Қарақалпақстан хабар агентлигиниң шолыўшысы.