АҚШ конгресси мамлакат президенти этиб Жозеф Байден сайланганини расман тасдиқлади. Ушбу қарорга Дональд Трамп тарафдорлари Вашингтонда намойишга чиқиб, Конгресс қароргоҳи – Капитолий ёнидаги майдонда оммавий тартибсизлик келтириб чиқарган бир вақтда бўлиб ўтган муҳокама чоғи келинди.
Хабарларда айтилишича, намойишчиларнинг бир қисми Капитолий биноси ичига кириб борган. Ўточар қуролдан узилган ўқдан аёл киши ҳалок бўлган. Воқеа давомида яна уч киши қурбон бўлгани, лекин уларнинг ўлимига тартибсизлик сабаб бўлмагани таъкидланяпти.
Сайловчилар овозининг конгресс томонидан тасдиқланиши президент сайлови бўйича баҳс-мунозараларга якуний нуқта қўяди. Энди ҳеч бир тарафда конституцияга таяниб даъво қўзғатиш ҳуқуқи қолмади. Бу эса демократ Жо Байден АҚШ президенти сайловида узил-кесил ғалаба қилди, дегани.