Рақамли технологиялар вазири Шерзод Шерматов ва Швейцария ҳамкорлик ва тараққиёт агентлигининг Ўзбекистондаги вакили Андрин Финк Ўзбекистонда IT таълимни ривожлантириш, халқаро ҳамкорликни кенгайтириш ва янги лойиҳаларни амалга ошириш масалаларини муҳокама қилди.
Лойиҳанинг дастлабки босқичида аҳолининг рақамли кўникмалари ҳолати таҳлил қилинади, бозор эҳтиёжларига мос янги касблар аниқланади. IT таълим ресурсларини бирлаштирувчи платформа ишлаб чиқилади.
Бу ҳақда Швейцариянинг Ўзбекистондаги элчихонаси, Швейцария тараққиёт ва ҳамкорлик агентлиги ҳамда IT таълим уюшмаси ўртасида “Ўзбекистонда IT ва рақамли таълим ландшафтини ривожлантириш инклюзив ўсиш учун манфаатдор томонларни боғлаш” лойиҳаси доирасида келишув шартномаси имзоланди.
Мазкур лойиҳа доирасида ёшларнинг IT саводхонлигини ошириш, малака ошириш имкониятларини тақдим этиш, шунингдек, қишлоқларда яшовчи ёшлар ва аёлларни иш билан таъминлаш кўзда тутилган.
Лойиҳа кенг қамровли тадқиқотлар ҳамда мослаштирилган таълим дастурларини қайта кўриб чиқиш ва ривожланаётган соҳа талабларини қондириш учун мутахассислар учун малака оширишни ўз ичига олади.
Тадқиқотга асосланган ушбу ёндашув кейинги босқичлар ҳақида маълумот бериб, мослаштирилган ва таъсирли аралашувларни таъминлайди. Ушбу мақсадлар учун Швейцария тараққиёт ва ҳамкорлик агентлиги томонидан IT таълим уюшмаси нодавлат нотижорат ташкилотига қарийб 2 млрд. сўм (149 655 АҚШ доллари) грант маблағлари ажратилди.
Лойиҳа доирасида ҳудудларда IT саводхонлиги ва кўникмалари бўшлиқлари таҳлил қилиниб, мақсадли аудитория сифатида ёшлар, қишлоқ аҳолиси, аёллар ва қизлар, кам таъминланган оилалар, ногиронлиги бор шахслар қамраб олинади.
Н.Раҳмонова, ЎзА