Икки мамлакат ҳарбий ҳаво кучлари ҳар йилги декабрь машқларини коронавирус пандемияси туфайли қисқартирилган шаклда ўтказди, деб хабар қилди Рёнхап ахборот агентлиги ҳарбий манбаларга таяниб.
Хабарга кўра, иттифоқчилар 7 декабрдан 11 декабргача F-15K ва KF-16 жанговар самолётлари иштирокида машқлар ўтказган, АҚШ томонидан F-16 самолётлари қатнашган.
«Бу иттифоқчилар қўшма ҳарбий самолётлар машғулотини бажаришга тайёрлигини текшириш учун ўтказилган одатдаги машқлардир», – деди агентликка ҳарбий ҳаво кучлари зобити.
Илгари ҳар йили декабрь ойида АҚШ ва Жанубий Корея ҳарбий ҳаво кучлари Vigilant Ace деб номланган йирик ҳарбий ўқув-машқларини ўтказиб келарди. 2017 йилги машқлар аввалги йиллардагига қараганда энг йириги бўлди. Ўшанда қарийб 230 та самолёт машқларда иштирок этганди.
ЎзА