Qoraqalpog‘iston Respublikasi Jo‘qorg‘i Kengesining Raisi A.Orinbayev Taxiatosh tumanidagi “Bolalar uyi”da bo‘lib, bolajonlarni Yangi yil bayrami bilan qutladi va Prezident sovg‘alarini topshirdi.
Bolalar bizning kelajagimiz, ertamiz egalari, savobli ishlarimizning davomchilaridir. Shu sababli, ularga qancha e’tibor bersak, mehr ko‘rsatsak, arziydi. Bu esa bolajon va mehrli xalqimizning insoniylik fazilatlaridan biridir.
Farzandlarimizning bizdanda baxtli va farovon hayotda yashashi uchun bugun barcha imkoniyat yaratilmoqda.
Qish ziynati bilan bezatilgan Yangi yil archasi atrofida tashkil etilgan bayram tadbirida jajji bolajonlar tomonidan tayyorlangan sahna ko‘rinishlari va musiqali chiqishlar mehmonlarga manzur bo‘ldi.
Bolalar hamisha davlatimiz rahbarining e’tibori va g‘amxo‘rligida. Yangi yil arafasida ularga Prezidentimiz sovg‘alari topshirilishi hamda bayram tabrigi yo‘llanishi bolajonlarning quvonchiga yanada quvonch qo‘shdi.
Dovud Abibullayev,
O‘zA muxbiri