Усы жылдың 5-декабрь күни Самарқанд қаласында Өзбекстан ҳәм Беларусь арасындағы бирге ислесиў бойынша ҳүкиметлераралық комиссияның мәжилиси болып өтти.

Өзбекстан Республикасы Бас министри Абдулла Арипов Беларусь Республикасы Бас министри Роман Головченко басшылығындағы ҳүкиметлер делегациялары қатнасқан мәжилисте Өзбекстан Республикасы Президенти Шавкат Мирзиёев ҳәм Беларусь Республикасы Президенти Александр Лукашенконың өз-ара ҳәрекетлери ҳәм сиясий ерк-ықрары себепли Өзбекстан-Беларусь көп тәреплемели бирге ислесиўи жаңа басқышқа көтерилгени атап өтилди.

Сондай-ақ, мәжилисте санаат кооперациясын және де раўажландырыў, аймақлараралық бирге ислесиў потенциалын беккемлеў, мәдений-гуманитарлық алмасыўлар көлемин кеңейтиў, билимлендириў, денсаўлықты сақлаў, фармацевтика, туризм тараўындағы байланысларды раўажландырыў мәселелерине де итибар қаратылды.

Қарақалпақстан хабар агентлиги