Кеше футбол бойынша Европа Конференциялар Лигасыныӊ 1/8 финалынан орын алған бир қатар ойынлар болып өтти.
Олардыӊ биринде бизиӊ ўатанласымыз Элдор Шомурадов ҳәрекет етип атырған Италияныӊ «Рома» клубы Нидерландияныӊ «Ветисс» командасы менен өз-ара күш сынасты.
«Ветисс» майданында болып өткен ойынныӊ 1-таймына қосып берилген минутларда Сержиу Оливейра тәрепинен урылған гол «Рома» клубыныӊ жеӊисин тәмийинледи.
Бул ушырасыўда Элдор Шомурадов ойынға түспеди.
Сондай-ақ, 1/8 финал ойынларынан орын алған Сербияныӊ «Партизан» ҳәм Нидерландияныӊ «Фейнорд» клублары арасындағы ойын 2-5 есабында мийман команда футболшыларыныӊ жеӊиси менен жуўмақланды.
Чехияныӊ «Славия», Австрияныӊ «LASК» клублары арасындағы ойын 4-1, Грецияныӊ «Паок» ҳәм Бельгияныӊ «Гент» клубларыныӊ өз-ара ойыны 1-0 есабы менен жуўмақланды.
Адилбай Оразов,
Қарақалпақстан хабар агентлиги шолыўшысы