Футбол бойынша Европа Лигасыныӊ және бир ойынында қурамында Жасур Яхшибаев ҳәрекет етип Молдованыӊ «Шериф» клубы Португалияныӊ «Брага» командасы менен ушырасты.
Оғада қызықлы болып өткен ушырасыўдыӊ тийкарғы бөлиминде португалиялылар қурамындағы Юрий Медейруш ҳәм Рикарду «Шериф» дәрўазасын анық нышанға алып, улыўмалық есапты теӊлестирген болса, ойынға қосып берилген қосымша еки таймда арадағы есап өзгермеди.
Ал, пенальтилер тебиўде «Брага» командасы 3-2 есабында жеӊиске ерисип, келеси басқыш жолламасын қолға киргизди. Бул ушырасыўда Жасур Яхшибаев 111 минут майданда ҳәрекет етти ҳәм 90+4 төреши тәрепинен сары карточка менен жазаланды.
Сондай-ақ, Европа Лигасында бир қатар жуўап ойынлары болып өтти. Сизлерди бул ойынлардыӊ нәтийжеси менен таныстырып өтемиз.
«Зенит»-«Бетис» 0-0, Порту-Лацио 2-2, Аталанта-Олимпиакос 0-3, Севилья-Динамо Загреб 1-0, Лейпциг-Реал Сосьедад 1-3.
Адилбай Оразов,
Қарақалпақстан хабар агентлиги шолыўшысы