Қытай пайтахты Пекин қаласында болып атырған қысқы Олимпиада ойынлары ҳәзирги күнлери қызғын даўам етпекте.
Атап айтқанда, бүгин Олимпиада -2022 ойынларында ҳаял-қызлар фигуралы ушыў, фристайл, слоупстайл,сноуборд, лыжада командалық қуўып өтиў жарысы, ерлер лыжада эстафета, командалық қуўып өтиў, сноуборд бойынша финаллық жарыслар болып өтеди.
Сондай-ақ, көпшилик спорт ықласбентлери қызығатуғын хоккей бойынша ерлер командалары арасында таӊлап алыў басқышы да болып өтеди. Онда Словакия сайланды командасы хоккейшилери германиялылар менен өз-ара күш сынасса, Чехия Швейцария менен, Канада болса Қытай сайланды командасы менен ушырасыў өткереди.
Мағлыўмат ушын айтып өтиўимиз керек, 15-февраль сәнесине келип Норвегия сайланды командасы улыўмалық есапта 9 алтын, 5 гүмис, 7 қола медальлары менен 1-орында киятырған болса, екинши ҳәм үшинши орынларды Германия ҳәм АҚШлы спортшылар ийелеп тур.
Адилбай Оразов,
Қарақалпақстан хабар агентлиги шолыўшысы