Нөкисте Өзбекстан Республикасы Олий Мажлиси Сенаты баслығының кубоги ушын «Парламент ойынлары» спорт жарысының аймақлық басқышы болып өтти.
Өзбекстан Республикасы Олий Мажлиси Сенаты Кенгашиниң 2020-жыл 30-декабрьдеги қарарына муўапық өткерилип атырған жарыстың тийкарғы мақсети, сенаторлар ҳәм халық депутатлары жергиликли Кеңеслериниң депутатлары, Сенат жанындағы Жаслар парламенти ағзаларының денетәрбия ҳәм спорт пенен шуғылланыўын тәмийинлеў, халық арасында саламат турмыс тәризин кеңнен үгит-нәсиятлаў болып табылады. Аймақлық басқышта Қарақалпақстан Республикасы ҳәм Хорезм ўәлаятлары жеңимпазлары қатнасып, мини футбол ҳәм бадминтон бойынша өз-ара беллести.
Қызықлы өткен жарыс жуўмағында мини футбол бойынша Қарақалпақстан Республикасы Жоқарғы Кеңесиниң командасы, бадминтон бойынша ҳаял-қызлар арасында Қарақалпақстан Республикасы Жоқарғы Кеңесиниң комитет баслығы, депутат З.Реймова жеңимпаз болды.
Жеңимпазларды Қарақалпақстан Республикасы Жоқарғы Кеңеси Баслығының орынбасары А.Давлетов қутлықлады ҳәм оларға келеси басқышта да әўмет тиледи.
Қарақалпақстан хабар агентлиги