Олий Мажлис Нызамшылық палатасының депутаты Расул Кушербаевтың мәлим етиўинше, 2021-жыл даўамында тәбийғый газ ҳәм эектр энергиясынан пайдаланыў ушын тарифлер көбейтилмейтуғынлығы белгиленбекте.
Бул норма 2021-жыл ушын арналған Мәмлекетлик бюджет жойбарында көрсетип өтилген.
Хабарда жазылыўынша, бүгин Нызамшылық палатасының улыўмалық мәжилисинде қатнасқан Бас министр Абдулла Арипов та буны тастыйықлап, бул халық ушын жеңиллик жаратыў ҳәм қоллап-қуўатлаў бағдарында әмелге асырылатуғынлығын атап өткен.
Мағлыўмат ушын, Өзбекстанда соңғы мәрте электр энергиясы ҳәм тәбийғый газден пайдаланыў ушын тарифлер 2019-жылдың 15-августынан баслап көбейтилген болып, халық ушын:
1 куб метр газ ушын – 380 сум;
1 кВт электрэнергия ушын – 295 сум етип белгиленген еди.
Ислам Матеков,
Қарақалпақстан хабар агентлиги.