Қарақалпақстан Республикасына мийнети сиңген аўыл хожалығы хызметкери, аўыл хожалығы илимлериниң кандидаты Мурат Муханов 70 жасында дүньядан өтти.
Мурат Муханов 1950-жылы Әмиўдәрья районында туўылып кәмалға келди.
1974-жылы Ташкент аўыл хожалығы институтын тамамлағаннан соң аўыл хожалығы министрлигинде түрли жуўапкерли лаўазымларда иследи.
Соңынан ўәлаятлық партия комитети аўыл хожалығы бөлими баслығының орынбасары, Бердақ хожалығы директоры ўазыйпаларын жемисли атқарды.
2007-2015-жыллары Қарақалпақстан Республикасы Министрлер Кеңесиниң Аўыл ҳәм суў хожалығы секретариатына басшылық етти.
Кейинги жылларда Ташкент мәмлекетлик аграр университети Нөкис филиалында жасларға дийқаншылық сырларынан тәлим берди.
Тәжирийбели дийқан, илимпаз-агроном, аўыл хожалығы тараўларындағы реформалардың әмелге асыўына үлкен үлес қосқан искер инсан Мурат Мухановтың естелиги жүрегимизде бәрқулла сақланып қалады.
Мурат Мухановтың шаңарағына, туўған-туўысқанларына терең қайғырыў менен кеўил айтамыз.
Қарақалпақстан хабар агентлиги