Республикалық арнаўлы комиссияның қарарына муўапық, мәмлекетлик мектепке шекемги билимлендириў мәкемелериниң тәрбияланыўшыларын қабыл етиўге пуқта таярлаў, атап айтқанда, санитариялық-гигиналық қағыйдалар ҳәм қәўипсизлик илажларын толық тәмийинлеў мақсетинде олардың жумысына усы жылдың 1-август сәнесинен баслап рухсат берилди.
Онда:
-мәмлекетлик мектепке шекемги билимлендириў мәкемелери имаратлары турақлы түрде дезинфекцияланады етилди, оларға кириў-шығыў орынлары пирометрлер, антисептикалық ҳәм дезинфекциялық қураллар менен тәмийинленеди;
-хызметкерлер медициналық нықап ҳәм қолғаптан пайдаланады ҳәм социаллық аралықты сақлайды;
-дене температурасы 37°С ҳәм оннан жоқары болған яки инфекция белгилери бар болған хызметкер ҳәм тәрбияланыўшылар тәрбиялаўға киргизилмейди.
-Соның менен биргеликте, 2020-жыл 15-июньнен баслап «жасыл» ҳәм «сары» аймақларда мәмлекетлик емес мектепке шекемги билимлендириў мәкемелериниӊ жумысына рухсат берилген болып, онда мектепке шекемги билимлендириў мәкемелеринде тәрбия жумыслары 15 адамнан артық болмаған топарларда шөлкемлестириў ҳаққындағы шеклеўлер бийкар етилди.
Мәмлекетлик емес мектепке шекемги билимлендириў мәкемелеринде тәрбияланыўшылар арасында коронавирус инфекциясы тарқалыўының алдын алыўға қаратылған карантин шеклеўлерине қатаң әмел етилиўи бойынша жуўапкершилик мектепке шекемги билимлендириў мәкемеси ҳәкимшилиги ҳәм тәрбияланыўшылардың ата-аналары яки олардың орнын басыўшы адамларға бирдей жүкленеди.
Қарақалпақстан хабар агентлиги