11-октябрь күни ҒМДА Мәмлекет басшылары кеңесиниң Ашхабадтағы мәжилисиниң бағдарламасы шеңберинде Өзбекстан Республикасы Президенти Шавкат Мирзиёев Тәжикстан Республикасы Президенти Эмомали Раҳмон менен ушырасты.
Мәмлекет басшылары Өзбекстан ҳәм Тәжикстан арасындағы дослық, жақсы қоңсышылық ҳәм стратегиялық шериклик қатнасықлары бүгин жоқары дәрежеге көтерилгенин үлкен қанаатланыўшылық пенен атап өтти.
Ушырасыўда саўда, санаат кооперациясы, энергетика, транспорт, мәдений-гуманитарлық алмасыў тараўларында ҳәм басқа да әҳмийетли бағдарларда еки тәреплеме әмелий бирге ислесиўди кеңейтиўдиң әҳмийетли мәселелери додаланды.
Президентлер болажақ жоқары дәрежедеги ушырасыўлардың режесин көрип шықты, сондай-ақ, халықаралық ҳәм регионаллық әҳмийетке ийе мәселелер бойынша пикир алысты.
ӨзА